COVID-19-ის "წყალობით", ნებრასკის შტატის მცხოვრებმა 73 წლის დორის კრიპენმა საკუთარი და, 53 წლის ბევ ბორო, 50-წლიანი განშორების შემდეგ იპოვნა.
დორისი 2020 წლის მაისში ავად გახდა. მას თავიდან ეგონა, რომ გრიპი ჰქონდა, თუმცა, რამდენიმე ხანში იგი ისე დასუსტდა, რომ გონება დაკარგა, დაეცა და ხელი მოიტეხა. საავადმყოფოშ გაირკვა, რომ მას კორონავირუსი აქვს. დორისმა საავადმყოფოში 30 დღე გაატარა, ხოლო გამოჯანმრთელების შემდეგ ის ქალაქ ფრემონტის სარეაბილიტაციო ცენტრში გააგზავნეს.
სწორედ სარეაბილიტაციო ცენტრში იპოვნა მან საკუთარი და, ბევ ბორო, რომელიც როგორც აღმოჩნდა, იქ 20 წელია მუშაობს."როდესაც პაციენტების სიაში "დორის კრიპენი" წავიკითხე, იმწამსვე მივხვდი, რომ ის ჩემი უფროსი და იყო. თვალ;ებს არ ვუჯერებდი!" - აცხადებს ბორო.
დორისს ძალიან დაქვეითებული აქვს სმენადობა, ამიტომ პირველი შეხვედრისას ბორომ დაფაზე მამის სახელი დაწერა და დამაც მომენტალურად დაადასტურა ეს ფაქტი.
"ეს ღვთის წყალობაა, რომ მე აქ გამომაგზავნეს. სხვა შემთხვევაში დას ვერასდროს ვნახავდი," - აცხადებს დორისი.
დებს ერთი მამა და სხვადასხვა დედა ჰყავთ. კრიპენი საკუთარ დედასთან იზრდებოდა, ხოლო ბორო, ექვსი თვის ასაკში გააშვილეს - სწორედ ეს გახდა დების 50-წლიანი განშორების მიზეზი.
მასალის გამოყენების პირობები