2020 წლის 6 თვის განმავლობაში პოლიტიკურმა პარტიებმა შემოწირულებების სახით 7 მილიონ ლარზე მეტი მიიღეს, მათ შორის "ქართულმა ოცნებამ" მთლიანი შემოწირულობის 67 პროცენტი, რაც 4 720 251 ლარია - ინფორმაციას აუდიტის სამსახური აქვეყნებს.

რაც შეეხება საერთო შემოსავლებს, დოკუმენტის თანახმად, 2020 წლის 6 თვის განმავლობაში პოლიტიკურმა პარტიებმა შემოსავლის სახით სულ 12 878 002 ლარი მიიღეს. აქედან შემოწირულობები 7 004 696 ლარი იყო, დანარჩენი კი კვალიფიციურ პოლიტიკურ სუბიექტებზე გაცემული საბიუჯეტო დაფინანსებაა.

პოლიტიკური პარტიებზე შემოწირულებები შემდეგნაირად გადანაწილდა:

• ქართული ოცნება — 67 პროცენტი;
• ლელო — 21 პროცენტი;
• ნაციონალური მოძრაობა — 7 პროცენტი;
• ევროპული საქართველო — 2 პროცენტი;
• პატრიოტთა ალიანსი — 2 პროცენტი;
• სხვა პარტიები — 0,2 პროცენტი.