საარჩევნო რეფორმა, დამოუკიდებელი სასამართლო და დემოკრატიის გაძლიერება - კონგრესის უპრეცედენტო გადაწყვეტილება და საქართველოს ფინანსური დახმარებისთვის დაწესებული დამატებითი ბარიერები

მსოფლიო - 12:12, 06 Aug, 2020

1845

საქართველოს ისტორიაში პირველად, ამერიკის შეერთებული შტატების კონგრესმა საქართველოსთვის ფინანსური დახმარების გამოყოფაზე დამატებითი ბარიერები დააწესა. იქამდე, სანამ აშშ-ს სახელმწიფო დეპარტამენტი არ წარმოადგენს ანგარიშს, რომ საქართველოში დემოკრატიული სტანდარტი დასავლურთანაა შესაბამისობაში, ქვეყანა ვერ მიიღებს ფინანსურ დახმარებას. საქართველოში დემოკრატიის მდგომარეობის შესახებ პირველი ანგარიში ამერიკის შეერთებული შტატების სახელმწიფო დეპარტამენტმა კონგრესს 6 თვეში უნდა წარუდგინოს.

განცხადებაში ნათქვამია: „შეერთებულმა შტატებმა მხარი უნდა დაუჭიროს საქართველოს ხელისუფლების მიერ დემოკრატიული ღირებულებების მუდმივ განვითარებას, საარჩევნო სისტემის რეფორმებს, კორუფციასთან ბრძოლის ვალდებულებას და მცდელობას, უზრუნველჰყოს საქართველოს კერძო სექტორის მიერ საერთაშორისოდ აღიარებული სტანდარტების პატივისცემა, მათ შორის პირდაპირი უცხოური ინვესტიციებისთვის ხელსაყრელი გარემოს შექმნა და მათი დაცვა“.

ცნობილია ის ფაქტი, რომ ამერიკის სახელმწიფო მდივანმა, მაიკ პომპეომ აშშ-ს წარმომადგენლობით ორგანოს უნდა წარუდგინოს ანგარიში, რომელიც ეხება ანგარიშს იმასთან დაკავშირებით- საქართველოს მთავრობა ახორციელებს თუ არა ეფექტურ პროცედურებს საქართველოში გამყარდეს დემოკრატიული ინსტიტუტები.

აღნიშნული ფაქტი უკვე მეორე შემთხვევაა, როდესაც ამერიკის სახელმწიფო მდივანს კონგრესი თხოვს გამოიკვლიოს საქართველოში მიმდინარე ვითარება და დემოკრატიული კურსი.