ზუგდიდში ყინულის ჯერაც დაუსრულებელი მოედნის მოწყობაზე 8 მილიონ ლარამდე დაიხარჯა - საერთაშორისო გარვალობის ხმაურიანი კვლევა
15:07, 06 Aug, 2020     473
"სართაშორისო გამჭვირვალობა საქართველომ" ზუგდიდში ყინულის მოედნის მშენებლობისა და შენახვისთვის გაწეული ხარჯის შესახებ კვლევა მოამზადა. კვლევაში ასახულია მონაცემები მოედნის რეაბილიტაციაზე გამოყოფილ თანხებსა და თანამშრომელთა ხელფასებზე. გარდა ამისა, როგორც კვლევაშია განმარტებული, მიმდინარე წელს აღნიშნულ ხარჯებს, ყინულის მოედნის დემონტაჟისთვის საჭირო თანხაც დაემატა.

"პროცესი, რომელიც 2007 წელს დაიწყო, დღემდე არ დასრულებულა. ამ პერიოდში მოედანი ორჯერ აშენდა და ორჯერ მოხდა მისი დემონტაჟი, მიმდინარე წელს კი მოედანი მესამედ უნდა აშენდეს. პირველად ყინულის მცირე ზომის მოედანი ზუგდიდში 2007 წელს აშენდა, რაზეც 1.4 მილიონი ლარი დაიხარჯა, თუმცა იგი 2011 წელს დაშალეს და საჩუქრად ქუთაისის მუნიციპალიტეტს გადასცეს. ახალი, ამჯერად ოლიმპიური სტანდარტების ყინულის მოედნის მშენებლობა 2011 წელს დაიწყო, მის მშენებლობა/რეაბილიტაციაზე, მოვლა-პატრონობასა და თანამშრომელთა შრომის ანაზღაურებაზე 2011 წლიდან დღემდე 6,381,796 ლარი დაიხარჯა.

მიუხედავად იმისა, რომ ახალი მოედნის მშენებლობა 2015 წელს დასრულდა, იგი სხვადასხვა ხარვეზებისა და დაზიანებების გამო 2019 წლის თებერვლამდე ვერ გაიხსნა, ამ პერიოდში კი მოედანს რეაბილიტაცია ორჯერ - 2016 და 2018 წლებში ჩაუტარდა.

2020 წლის ივლისში დაიწყო ყინულის მოედნის დემონტაჟის პროცესი, რაზეც 214,700 ლარი იხარჯება, მოედნის დემონტაჟი კი მას მერე გახდა საჭირო, რაც ტერიტორია, სადაც იგი იყო განთავსებული, აუქციონზე გაიყიდა. ყინულის მოედანი ამჯერად სხვა ტერიტორიაზე - ყოფილი “კომკავშირის პარკში” აშენდება, თუმცა მისი მშენებლობის ზუსტი ღირებულება მუნიციპალიტეტს ჯერ არ დაუანგარიშებია.

ყინულის მოედნის მშენებლობა და რეაბილიტაცია სხვადასხვა დროს როგორც სახელმწიფო, ასევე ადგილობრივი ბიუჯეტებიდან ფინანსდებოდა.

2018 წლის იანვრიდან 2019 წლის თებერვლის ჩათვლით ყინულის მოედანთან არსებობდა "ფიგურული სრიალის და ჰოკეის განვითარების განყოფილება, რომელშიც 11 საშტატო ერთეული იყო გათვალისწინებული, თუმცა განყოფილება კადრებით არ დაუკომპლექტებიათ. ვინაიდან სპორტის ამ სახეობის მოყვარულთა ჯგუფები ვერ ჩამოყალიბდა, განყოფილება 2019 წლის თებერვალში გაუქმდა, მის მაგივრად კი შეიქმნა "ფიგურული სრიალის სასპორტო სკოლა", - ნათქვამია "საერთაშორისო გამჭვირვალობა-საქართველოს" კვლევაში.

ორგანიზაციაში მიიჩნევენ, რომ ზუგდიდის ყინულის მოედნის მშენებლობის პროცესი შესაბამისმა საგამოძიებო ორგანოებმა უნდა შეისწავლონ და დაადგინონ, ჰქონდა თუ არა ადგილი რაიმე სახის დანაშაულს. ასევე განმარტავენ, რომ ფინანსური რესურსების არაეფექტური ხარჯვის გამორიცხვის მიზნით, აუცილებელია ყინულის მოედნის ხარისხიანად აშენება. გარდა ამისა, TI-ში ამბობენ, რომ სამშენებლო სამუშაოების დასრულების შემდგომ ზუგდიდის მუნიციპალიტეტმა უნდა უზრუნველყოს მოედნის სათანადო მოვლა-პატრონობა.

სკეიტ პარკში მდებარე ყინულის სასახლის ტერიტორია სამშენებლო კომპანია m² - მა 7 270 118 ლარად შეიძინა.





მასალის გამოყენების პირობები

სხვა სიახლეები
შტურმი "თალიბანის" ბაზაზე - თავდასხმას 40 ტერორისტი და 12 მშვიდობიანი მოქალაქე ემსხვერპლა
19 წლის ფეხბურთელის საქმე - შაქარაშვილის საქმეზე დაკავებულთა ნაწილი, შესაძლოა, საპროცესოთი გამოუშვან
თამარს ხელი მიუწვდებოდა სერიოზულ ინფორმაციაზე, თვითონაც იყო ინფორმაციის მატარებელი – ახალი დეტალები ბაჩალიაშვილის საქმეში
"გაიტყუა სახლიდან, სახის დასახიჩრება უნდოდა, შენ ლამაზი ხარ სხვამ არ უნდა გიყუროსო...ცოლი მოკლა და მისივე ფულით ადგილიდან მიიმალა" - ქმრის მიერ მოკლული გოგოს და (ვიდეო)
ჭიათურაში სასულიერო პირი ტრენაჟორებზე ვარჯიშისას დაიღუპა
მკვლელობა კასპში - მამაკაცმა საკუთარ სახლში ორ ადამიანს ცეცხლი გაუხსნა
მამაკაცი ზოდიაქოს ნიშნები, რომლებიც არასდროს გიღალატებენ
20 სექტემბრის ასტროლოგიური პროგნოზი
გლდანულის პარკში გაოფენილი “ოცნების“ დროშების გამო ახალგაზრდებს შორის ფიზიკური დაპირისპირება მოხდა
მოვუწოდებთ ხელისუფლებას, შეწყვიტოს პოლიტიკური ოპონენტების დევნა და მათზე ძალადობა! - "დამოუკიდებელ პოლიტიკურ ექსპერტთა ასოციაციის“ განცხადება
საინტერესო ამბები
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
პირველი ქართული პროდუქტი ინტერნეტ სამყაროში - #სთექი საქართველოშიც ხელმისაწვდომი ხდება
დღეს, 02:42
თამო ვაშალომიძე შეყვარებულია - მისი ახალი რჩეული ახალგაზრდა ბიზნესმენია
დღეს, 02:42