გარდაცვლილი 23 წლის პროგრამისტის თამარ ბაჩალიაშვილის მეგობარი ბაჩანა ლობჯანიძე ჟურნალისტებთან საუბრისას აცხადებს, რომ თამარის გარდაცვალების შემდეგ ის სიბნელეში ვეღარ დადის და შინ შესვლამდე შუქს ანთებინებს ოჯახის წევრებს.
"მეც რომ თვითმკვლელობა ვცადო, რას ფიქრობენ ამდენი თავდასხმის შემდეგ?!“, – ამბობს ლობჟანიძე
მისივე თქმით, გარდაცვლილი გოგონას დედის, თეონა თამაზაშვილის განცხადებები ემოციურ ფონს ცდება:
„უფრო მეტად უნდა დავფიქრებულიყავი, რას მივწერდი ქალბატონ თეონას. მისი მდგომარეობიდან გამომდინარე, უფრო მეტად უნდა მეფიქრა, როდესაც ვთქვი, რომ საქმეში ფედერალური ბიურო არ უნდა ჩართულიყო. ზოგადად, ეფბიაის და „ეფლის“ კონფლიფქტი აქვთ, თამარის ლეპტოპი სწორედ „ეფლისაა“ და ამიტომაც ვთქვი, ფედერალური ბიუროს ჩართულობით ვერაფერს გახდებით-თქო. ეს შეიძლება ჩემგან ერთგვარი მობოდიშებაც არის", - განაცხადა ლობჟანიძემ.
მისივე თქმით, მაშინ, როცა ბაჩალიაშვილის გაუჩინარების შესახებ შეიტყო, გლდანში, დეიდასთან იმყოფებოდა სტუმრად:
"მე დეიდასთან ვიყავი როდესაც თამარის გაუჩინარების ამბავი შევიტყვე. საღამოს 9 საათზე გავიგე ეს ამბავი და ჩემს ტირილზე გაეღვიძა ოჯახის წევრებს. თამარის გარდაცვალების შემდეგ, სიბნელეში ვეღარ დავდივარ. სახლში როცა მივდივარ შუქს ვანთებინებ, ისე შევდივარ.
ცუდი დამოკიდებულება არ მაქვს, პირიქით. თამარის დედამ მკითხა ადვოკატზე, მოგზავნილი ხომ არ არისო და მე ვუთხარი, რომ არა მგონია, ის მოგზავნილი იყოს-თქო", - განაცხადა ლობჟანიძემ.
რაც შეეხება ბაჩალიაშვილის ანგარიშზე არსებულ თანხას, როგორც ლობჟანიძე აცხადებს ამ 75 000 ლარის შესახებ ინფორმაცია თავად თამარისგან ჰქონდა და ისინი ერთად გეგმავდნენ საერთო შემეცნებითი პროექტის განხორციელებას და ამ საქმეში საერთო თანხების ჩადებას.
"რამდენიმე სამსახურში მუშაობდა და ამ თანხის შეგროვებას შეძლებდა თამარი", - ამბობს ლობჟანიძე.
მასალის გამოყენების პირობები