ახალგაზრდა პროგრამისტის ბურუსით მოცული საქმე -გადაცემაში "მთავარი აქცენტები" ბაჩალიაშვილის ე.წ შეყვარებული ბაჩანა ლობჟანიძე გოგონას შესახებ საუბრობს.

მოიხმარდა თუ არა თამარ ბაჩალიაშვილი ნარკოტიკებს, სწორედ ეს კითხვა დაუსვა „მთავარი აქცენტების“ ეთერში ნიკა გვარამიამ ბაჩანა ლობჟანიძეს, რომელიც თავს 23 წლის გარდაცვლილ პროგრამისტის შეყვარებულად აცხადებს.

როგორც იგი აცხადებს, მას გაახსენდა ერთი დეტალი, რომელიც გამოძებისთვის არ უთქვამს. როდესაც ისინი იყვნენ ლისზე, საუბრის დროს თამარ ბაჩალიაშვილს უთქვამს, რომ მას აქვს ერთ-ერთი ნარკოტიკი გასინჯული.

ლობჟანიძის თქმით, საუბარი იყო, ერთ-ერთ ნარკოტიკზე, კერძოდ, ჰაშიშზე, რომლის მაგალითადაც იხსენებს ფილმ „ევროტურს“, სადაც კინოს ერთ-ერთ ეპიზოდში მეგობრები ჰაშიშიან ნამცხვრებს მიიერთმევენ.