იმ ფონზე რომ ავსტრალიაში კორონავირუსს მთელი რესურსებით ებრძვის ხელისუფლება, ვიქტორიის შტატის ერთ-ერთ ფერმაში მყოფ ასობით შინაურ ფრინველს ფრინველის გრიპი დაუდგინდა. გამოკვლევების შედეგად მათ ფრინველის გრიპის H7N7-ის შტამი დაუდასტურდა. აღნიშნული დაავადება იმ შეზღუდულ ზონაში მძვინვარებს, სადაც 31 ივლისს პირველი შემთხვევა დაფიქსირდა. გავრცელებული ინფორმაციით, უმრავლესობა იმ ფრინველებისა, რომლებიც ფრინველის გრიპით დაავადნენ, დახოცეს, რათა ინფექციის გავრცელებისთვის ხელი შეეშალათ.

აღნიშული ფერმიდან ფრინველებით მაღაზიების მომარაგება და გადაზიდვა, აგრეთვე გადამამუშავებელი მოწყობილობების გადატანა შეიზღუდა, ხოლო ფერმა კი კარანტინშია მოქცეული. შტატი ვიქტორიას ჯანდაცვის წარმომადგენელმა განაცხადა, რომ ფრინველთა მოძრაობის კონტროლი დიდ რისკებზეა დამოკიდებული.

ვიქტორიაში სოფლის მეურნეობის გენერალური უწყება ახდენს სადამკვირვებლო მონიტორინგს, რათა განსაზღვროს ის ფაქტი, რომ ვირუსი ფერმაში შენარჩუნდება მხოლოდ თუ სხვა ობიექტებზეც შეიძლება გავრცელდეს.

აღსანიშნავია, რომ ვირუსით ინფიცირება ძირითადად ხდება ფრინველიდან ადამიანზე და ნაკლებ სავარაუდოა ადამიანიდან ადამიანზე მოხდეს ინფექციის გადაცემა. სიმპტომები დაახლოებით ისეთივეა, როგორიც კოვიდ 19-ს აქვს- მაღალი სიცხე, ხველება, ყელის ტკივილი, კუნთბის ტკივილი , თავის ტკივილი, სუნთქვის უკმარისობა.