ჩვენ დავასრულებთ ამ ომს მშვიდობიანად, მშვიდობას ალტერნატივა არ აქვს - თორნიკე ჯანაშვილი
22:06, 08 Aug, 2020     519

"რუსეთი ოკუპანტია! ჩვენ ახალგაზრდები, რეფორმერები პირობას ვდებთ, რომ დავასრულებთ ამ ომს მშვიდობიანად, რადგან მშვიდობას ალტერნატივა არ აქვს. ეს
ჩვენი ვალი და პასუხისმგებლობაა. ჩვენი თაობა შეძლებს გამოიყვანოს ქვეყანა იმ
ჩიხიდან, რაშიც ახლა ვიმყოფებით. ჩვენ უნდა შევქმნათ კონფლიტის მშვიდობიანი
მოგვარების პრეცენდენტი", — განაცხადა პარტია რეფორმერის თავმჯდომარემ, თორნიკე ჯანაშვილმა, საოკუპაციო ხაზთან ტყვიაველ ახალგაზრდებთან შეხვედრაზე.

"საქართველოს ისტორიაში არის დღეები, რომელიც ჩვენთვის განსაკუთრებით მძიმეა. აგვისტოს ომი — ჩვენი ტრაგედიაა. 12 წლის წინ საქართველომ დაკარგა ქართული ტერიტორიები, ქართული სოფლები, ამ ომს შეეწირა ჩვენი გმირი ჯარისკაცების და
მშვიდობიანი მოსახლეობის სიცოცხლე. ამ ომს ჰყავს უჩინარი გმირებიც — ადამიანები,
ვინც საოკუპაციო ხაზთან საკუთარი სიცოცხლის რისკის ფასად აგრძელებენ ცხოვრებას
ოკუპანტების პირისპირ და ისინი, ვისაც ყველაფერი დაატოვებინეს და საკუთარ
ქვეყანაში დევნილობაში ცხოვრობენ. ეს არის ომი, რომელიც არ დასრულებულა და
დღემდე გრძელდება მცოცავი ოკუპაციის და ჰიბრიდული ომის სახით", — ნათქვამია განცხადებაში.

პარტია რეფორმერში აგვისტოს ომის მე-12 წლისთავთან დაკავშირებით უსაფრთხოების სფეროს სპეციალისტებს შეხვდნენ. უსაფრთხოების პანელს წარუძღვა რეფორმერის წევრი, უსაფრთხოების ექსპერტი ლაშა პატარაია. ღონისძიება საქართველოს ეროვნული უსაფრთხოების წინაშე არსებულ გამოწვევებს მიეძღვნა.

ღონისძიების სადისკუსიო ნაწილში ექსპერტებთან ერთად განიხილეს რუსული
საფრთხე, ოკუპაცია, ჰიბრიდული ომი და საქართველოს ეროვნული უსაფრთხოების
წინაშე მდგარი სხვა საფრთხეები. რეფორმერის ლიდერებმა ექსპერტებთან ისაუბრეს პარტიის ხედვებზე უსაფრთხოების, ჰიბრიდული ომის, დეოკუპაციის პრობლემების მოგვარების
ხედვებთან დაკავშირებით.

"რუსეთი ამ ომისთვის დიდი ხანი ემზადებოდა. ოკუპანტებმა წინასწარ დაწერილი
სცენარით დაიწყეს შემოსვლა ჩვენს ტერიტორიაზე. ეს იყო გააფთრებული ომი
ხმელეთზე, ჰაერში და კიბერსივრცეში. ბევრმა ჯერ კიდევ არ იცის, რომ სწორედ მაშინ
გაიმართა მსოფლიოში პირველი კიბერ-ომი. დღეს პუტინის რუსეთი აგრძელებს მცოცავ ოკუპაციას, ჩვენი ტერიტორიების მიტაცებას, საქართველოს მოქალაქეების გატაცებას
და ჰიბრიდულ ომს. ჩვენი ქვეყანა მრავალი გამოწვევის წინაშე დგას, სამწუხაროდ,
არც საუკეთესო ფორმაში ვართ. სანამ საქართველო ფეხზე იდგება, მანამ ვიქნებით
ჩვენი მტრების ხახაში გაჩხერილი. ჩვენი ხუთდღიანი წინააღმდეგობა ყველაზე
ღირსეული და ძლიერი პასუხი იყო უზარმაზარი მონსტრის წინააღმდეგ. ძალიან ბევრ
ქვეყანას გაუჭირდებოდა არამთუ ხუთდღიანი, არამედ ხუთსაათიანი
წინააღმდეგობაც რუსეთთან. ვამაყობ იმ სულით, რაც ჩვენში, ჩვენი ქვეყნის
პატრიოტ მოქალაქეებშია. ჩვენ ძალიან ბევრი რამ შეგვიძლია და ბევრ რამეში
გავაოცებთ სხვებსაც. მუდამ გვემახსოვრება ის ვაჟკაცები, რომლებმაც
სამშობლოსათვის თავდადების იდეით მარადიულობაში შეაბიჯეს", -განაცხადა ლაშა პატარაიამ.





მასალის გამოყენების პირობები

სხვა სიახლეები
შიდსით დაავადებულმა პედოფილმა 12 წლის გოგონა გააუპატიურა
"ნაციონალური მოძრაობის" წევრს, ლაშა ცუცქირიძეს 2 უცნობი პირი თავს დაესხა
არაოფიციალური გზით მივიღე, წყაროს დარტყმის ქვეშ ვერ დავაყენებ - დავით ფურცხვანიძე
ფურცხვანიძე არ ასახელებს ფოტომასალების წყაროს და უარი განაცხადა გამოკითხვაზე - პროკურორი
ბევრ ადამიანს უჭირს, მაგრამ ყველაფერი შედარებითია - კახი კალაძე
გასროლა ხაშურში - მოკლულია ახალგაზრდა მამაკაცი
შსს-ს მომსახურების სააგენტოს თანამშრომელს კორონავირუსი დაუდასტურდა
მეჭიაურის მძღოლის თვითმკვლელობის მცდელობის საქმეზე შსს-მ გამოძიება დაიწყო
ინფიცირების მაშინდელი 20 შემთხვევა, დღევანდელ გაზრდილ შემთხვევებზე გაცილებით შემაშფოთებელი იყო, ამოუცნობ პრობლემასთან გვიწევდა გამკლავება - ნათია თურნავა
მადლობა გადავუხადოთ საქართველოს მთავრობას დიდი მხარდაჭერისთვის - რაგბის კავშირი განცხადებას ავრცელებს
საინტერესო ამბები
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
პირველი ქართული პროდუქტი ინტერნეტ სამყაროში - #სთექი საქართველოშიც ხელმისაწვდომი ხდება
დღეს, 02:42
თამო ვაშალომიძე შეყვარებულია - მისი ახალი რჩეული ახალგაზრდა ბიზნესმენია
დღეს, 02:42