10 აგვისტოს გამთენიისას ბელორუსის დედაქალაში, მინსკში შეტაკებები მოხდა ანტისამთავრობო დემონსტრანტებსა და ძალოვანი უწყების წარმომადგენლებს შორის. მომიტინგეთა უმრავლესობას წარმოადგენდნენ ახალგაზრდები, რომლებიც აპროტესტებდნენ ამჟამინდელი პრეზიდენტის, ალექსანდრ ლუკაშენკოს არჩევნებში მე-6 ვადით გამარჯვებას. ცენტრალური საარჩევნო კომისიის მიერ გავრცელებული ინფორმაციით, ლუკაშენკომ ხმების დათვლის შედეგად 80 %-მდე მიიღო.
აღნიშულ ინფორმაციას არ ენდობიან ოპოზიციურად განწყობილი ადამიანები და აცხადებენ, რომ ქვეყნის პრეზიდენტი ხალხის ნების საწინააღმდეგო გამომხატველია. სოციალურ ქსელებში გავრცელდა ფოტო-ვიდეო კადრები, სადაც ასახულია შეტაკების მომენტები მომიტინგეებსა და პოლიციელებს შორის. აქტიურად იყენებდნენ ცრემლსადენ გაზს, გამაყრუებელ ყუმბარებსა და რეზინის ტყვიებს. ადგილობრივი მედია და ფოტო/ვიდეორეპორტიორები იტყობინებიან, რომ სპეცრაზმის მანქანამ გადაუარა ერთ-ერთ დემონსტრანტს, რომლის შედეგადაც იგი ადგილზე გარდაიცვალა.
აქცია ამ დროისთვის უკვე დაშლილია, თუმცა ოპოზიციური პარტიის ლიდერები აანონსებენ, რომ დიდი აქციისთვის ემზადებიან. მათი თქმით, მოსახლეობის რაოდენობა იმდენად მასშტაბური უნდა იქნეს, რომ სპეცრაზმმა თავისი აღჭურვილობა დაყაროს და ხალხს შეუერთდეს ანტისამთავრობო აქციაში.ვრცელდება ინფორმაცია აგრეთვე, რომ ლუკაშენკომ თავისი ოჯახის წევრები თურქეთში გაიყვანა. საავიაციო მიდევნების სისტემა , PLANDEFINDER-ით დაფიქსირდა, რომ ბორტმა EW-301PJ,რომელიც პრეზიდენტ ლუკაშენკოს ეკუთვნის ბელორუსის საჰაერო სივრცე დატოვა და თურქეთში შეფრინდა. გავრცელებული ინფორმაციით, იგი ქალაქ ბოდრუმში დაეშვა.
ბელორუსის ქალაქ პატარა კობრინიდან გავრცელდა ვიდეოკადრები, სადაც ასახულია, რომ სპეცრაზმელებმა ფარები დაუშვეს და უარი განაცხადეს მშვიდობიანი მომიტინგეების დაშლაზე.
მასალის გამოყენების პირობები