ბელორუსის დედაქალაქ მინსკში გასული ღამეც არეულობით აღინიშნა პოლიციელებსა და მომიტინგეებს შორის. ადგილობრივი მედიის ინფორმაციით, ტელე და ინტერნეტ საკომუნიკაციო წყაროები ჩახშობილია სრულად, დემონსტრანტების მობილიზება ხდება მხოლოდ სოციალურ ქსელ TELEGRAM-ით, რომელზეც ხელისუფლებას ამ დრომდე წვდომა არ გააჩნია.
წინა ღამე ძალზე მძაფრი დაპირისპირებითა და ხელჩართული ჩხუბით გამოირჩა სამართალდამცავებსა და აქციის მონაწილეებს შორის. ადგილი ჰქონდა პოლიციის მხრიდან ცრემლსადენი გაზის, რეზინისა და პლასტმასის ტყვიების აქტიურ გამოყენებას. არაერთი კადრი გავრცელდა სოციალურ ქსელ ტვიტერზე სადაც ასახულია თუ როგორ დაეჯახა გაბრაზებული მოქალაქე პოლიციელებს მანქანით. უცნობია თუ რა ტრავმა მიიღეს სპეცრაზმელებმა. აგრეთვე რამდენიმე ადგილას დაფიქსირდა მოლოტოვის კოქტეილების გამოყენება პოლიციელთა წინააღმდეგ დემონსტრანტთა მხრიდან.
ერთ-ერთი სოციალური ქსელის მომხმარებელი კი სენსაციურ ვიდეოს აქვეყნებს, სადაც ასახულნი არიან სპეცრაზმელები რუსული დროშით, რომლებიც ბელორუსის სამართალდამცავებთან ერთად ცდილობენ ქალაქში კონტროლის დამყარებას.
მასალის გამოყენების პირობები