ინდოეთში, ჩაის პლანტაციაში მომხდარი მეწყერის შედეგად 49 ადამიანი დაიღუპა, ხოლო სულ მცირე 20-ზე მეტი კი ნანგრევების ქვეშ მოყვა.
გადაუღებელმა წვიმამ გამოიწვია ამაღლებული გორაკის მოწყვეტა, რამაც მუშათა საცხოვრებელი სახლები თან მოიყოლა. გავრცელებული ინფორმაციით, მეწყერამდე ზემოხსენებულ 30-მდე საცხოვრებელ ოთახებში 78-მდე ადამიანი ცხოვრობდა.
ოჯახების უმრავლესობას ეძინა, როდესაც მეწყერი დაიწყო და ისე მოულოდნელად ჩაიტანა რამდენიმე საცხოვრებელი „სახლი“, რომ ადამიანებმა გაღვიძება და ქოხიდან გამოსვლაც კი ვერ მოასწრეს.
აღნიშული ფაქტი პარასკევს საღამოს დაფიქსირდა, სტიქიის გამო საკომუნიკაციო ხაზები და გადამცემები განადგურდა, რის გამოც მთავრობამ ზემოხსენებული ფაქტის შესახებ ერთი დღით გვიან გაიგო.
უბედური შემთხვევის ზონაში აქტიურად იყენებენ მეძებარ ძაღლებს, რათა მოახდინონ მიწაში ჩამარხული ადამიანების სხეულების იდენტიფიკაცია და გვამების ამოტანა.
მასალის გამოყენების პირობები