მსოფლიო ჯანდაცვის ორგანიზაციის გენდირექტორის, ტედროს ადჰანომ გებრეიესუსის თქმით, მსოფლიო ვაქცინაციისთვის $100 მილიარდ დოლარზე მეტის გამოყოფა გახდება აუცილებელი. ამის შესახებ მან ოფიციალურ პრესკონფერენციაზე ისაუბრა- მის განცხადებას ჯანმოს ოფიციალური ვებ-გვერდი აქვეყნებს.

„მხოლოდ ვაქცინაციებისთვის, $100 მილიარდ დოლარზე მეტი იქნება საჭირო. ეს თითქოზ დიდ თანხად ჟღერს, თუმცა რეალურად ის ძალზე ცოტაა იმ ათეულობით ტრილიონ დოლართან შედარებით, რომლებიც დიდი ოცეულის ქვეყნებმა კორონავირუსით გამოწვეული კრიზისის ფონზე დახარჯეს ეკონომიკის გასაჯანსაღებლად და კოლაფსის თავიდან ასარიდებლად“.

ადჰანომმა აღნიშნა, რომ ვაქცინაზე წვდომა თანაბრად უნდა ჰქონდეს ქვეყნების უმრავლესობას და რომელიმე მათგანს არ უნდა მიენიჭოს პრიორიტეტი. მისი თქმით, რადგან ადამიანების სიცოცხლეაზეა საუბარი, არ შეიძლება სელექციურად მივუდგეთ მათ ჯანმრთელობას. შეგახსენებთ, რომ სწორედ 11 აგვისტოს დაანონსა ვლადიმერ პუტინმა, რომ რუსეთი უკვე კორონავირუსული ვაქცინის ოფიციალური მფლობელია, რომლის მიწოდებასაც ფართო მასებისთვის იანვრიდან დაიწყებს.