გიორგი შაქარაშვილის ნათესავის, მირიან ნიკოლაძის ცნობით, პროკურატურის ვერსიის ერთ-ერთი საფუძველი, მოწმე გურამ ამირხანაშვილის ჩვენებაც გახდა. ამის შესახებ მან გადაცემაში "პოლიტმეტრი"ისაუბრა.

მირიან ნიკოლაძის თქმით, ამირხანაშვილს ჩვენება არ შეუცვლია, არამედ, განავრცო და საბოლოო ჯამში, შეავსო.

"ყველა ჩვენებით იკვეთება, რომ ჯერ გიორგის გაეკიდა სამი პირი, შემდეგ ამირხანაშვილივე ადასტურებს, რომ ქვემოდან ამოდის კიდევ 2 პირი. საუბარია წრეზე შემორბენილ და წინ დახვედრილ არჩილ გაგნიძესა და ნიკოლოზ რევაზიშვილზე. ამირხანაშვილის ჩვენებაც იყო იმის საფუძველი, რაც დღეს დადასტურდა - ქვემოდან ამოსული ხალხი ადგება თავზე ამირხანაშვილს".