საქართველოს რაგბის კავშირი ეროვნული ნაკრების ნოემბერში დაგეგმილ "8 ერის ტურნირში" შესაძლო მონაწილეობასთან დაკავშირებით განმარტებას აკეთებს.

"ბოლო დროს, სხვადასხვა მედია საშუალებებით გავრცელდა ინფორმაცია იმის შესახებ, რომ შემოდგომას გასამართ, ეგრედ წოდებულ 8-ერის ტურნირში, იაპონიის ნაცვლად, საქართველო მიიღებს მონაწილეობას.

ამ ეტაპზე მხოლოდ იმის დადასტურება შეგვიძია, რომ საქართველოს რაგბის კავშირი, საქართველოს პრემიერ მინისტრის და საქართველოს განათლების, მეცნიერების, კულტურისა და სპორტის სამინისტროს მხარდაჭერით, აქტიურად აწარმოებს მოლაპარაკებებს, როგორც მსოფლიო რაგბის, ასევე 6 ერის წარმომადგენლებთან.

გვინდა აღვღნიშნოთ, რომ როგორც ქართული რაგბისთვის, ასევე მთლიანად ქვეყნისთვის, 8 ერის ტურნირში ბორჯღალოსნების მონაწილეობა ისტორიული მიღწევა იქნება", - ნათქვამია საქართველოს რაგბის კავშირის განცხადებაში.