„გაუბედურებულია სხეული, მთლიანად დასახიჩრებულია, ზურგი, თავის ქალა და სახე დაჩეხილი აქვს. ასეთი პატიოსანი გოგო მოსაკლავად როგორ გაიმეტა იმ სადისტმა, სამუდამო უნდა მისცეს სასამართლომ. თამთას ქმრის შიში ჰქონდა, ამბობდა, პოლიციაში რომ ვიჩივლო, მეშინია, ჩემი დები არ დახოცოსო. რაც ამ ბიჭს გაჰყვა ცოლად, ერთხელ არ ყოფილა ბედნიერი.

მარტო ზურგზე ათამდე ჭრილობა აქვს დანით მიყენებული, სახეზე, ყელზე, ხელებზე... სულ დაჩეხილია საცოდავი“ - განაცხადა მოკლული ქალის ერთ-ერთმა ახლობელმა ჟურნალისტებთან საუბარში.

შეგახსენებთ, რომ გუშინ გამთენიისას სტამბოლში თურქეთის პოლიციამ 33 წლის თამთა ჯღარკავას ცხედარი იპოვნა. მკვლელობაში ეჭვმიტანილია მისი მეუღლე ირაკლი შურღაია, რომელსაც სამართალდამცველები ამ დრომდე ეძებენ.