"ლელოს" თავმჯდომარის ინიციატივას ეკონომისტები პრაგმატულად მიიჩნევენ
20:31, 17 Sep, 2020     341
„მამუკა ხაზარაძის შეთავაზება, პრაგმატულ საზრისს ეყრდნობა,“-ასე აფასებს „ლელოს“ თავმჯდომარის მამუკა ხაზარაძის ინიციატივას „ახალი ეკონომიკური სკოლის“ დირექტორი პაატა შეშელიძე. შეთავაზებული ინიციატივით მამუკა ხაზარაძე, მთავრობას ურჩევს ეროვნულ ბანკთან ერთად შექმნას დროებითი საგარანტიო მექანიზმი, რომელიც საშუალებას მისცემს საქართველოს ყველა მოქალაქეს, ვისაც საკრედიტო ვალდებულების მომსახურების პრობლემა აქვს, მოახდინოს თავისი ვალდებულების რეფინანსირება, მინიმუმ 6 თვიანი საშეღავათო პერიოდით. ხაზარაძის განცხადებით, ინიციატივის გააქტიურება მოგვაგებინებს დროს, რათა დავძლიოთ პანდემიის და სახელმწიფოს არასწორი ეკონომიკური პოლიტიკით გამოწვეული ეკონომიკური კრიზისის ყველაზე რთული პირველი 6 თვე და მოქალაქეებს მივცეთ შანსი, გამოიყენონ, მათ ხელს არსებული მცირე რესურსი რათა გაზაფხულიდან დაუბრუნდნენ ნორმალურ ცხოვრებას. ეს დროებითი მექანიზმი იქნება ჩანასახი, იმ 3 მილიარდიანი საგარანტიო ფონდისა, რომელიც, ლელოს მარშალის გეგმაშია მოცემული. ეკონომისტი პაატა შეშელიძე, მიიჩნევს, რომ ხაზარაძის იდეა, ბანკებმა განახორციელონ რეფინანსირება, როდესაც მსესხებლები ვერ იხდიან სესხებს, სრულიად მისაღებია. ამით ბანკები გადახდისუნარიან კლიენტებს შეინარჩუნებენ. „რა თქმა უნდა, ჩვეულებრივ შემთხვევაში კერძო ორგანიზაციას თავად შეუძლია შეცვალოს თავისი პირობები, შესთავაზოს მომხმარებელს რაიმე სიახლე, დაიცვას საკუთარი ინტერესები. ხოლო რაც შეეხება მამუკა ხაზარაძის შეთავაზება, პრაგმატულ საზრისს ეყრდნობა. გამომდინარე იქედან, რომ ძალიან ბევრი ადამიანი რთულ სიტუაციაში აღმოჩნდა, ვერ ემსახურებიან საკუთარ სესხებს და ა.შ, ბანკებს შეექმნათ პრობლემები. ბუნებრივია, ამ ვითარებიდან უნდა მოიძებნოს გამოსავალი. ჩვეულებრივ, მსოფლიოს საუკეთესო პრაქტიკა გვიჩვენებს, რომ ბანკები ცდილობენ კი არ „დაახრჩონ“ კლიენტი, არამედ გაუხანგრძლივონ სესხის გადახდა, გააფორმონ მასთან ახალი ხელშეკრულება განსხვავებული პირობებით და ვადებით. ბუნებრივია, რეფინანსირება არ გულისხმობს სესხის პატიებას. მხოლოდ ვადაში იქნება ეს ყოველივე გადაწეული. შესაძლებელია კლიენტთან, მისი სურვილის შემთხვევაში, გაფორმდეს ახალი სესხი იგივე პირობებით, ოღონდ ახალ ვადებზე გათვლით. იდეა, რომ ბანკებმა განახორციელონ რეფინანსირება, რაკი მოქალაქეები ვერ იხდიან და ვერ ემსახურებიან სესხებს, სრულიად მისაღებია. ამგვარი მიდგომა, ზოგადად, ბიზნესის შემადგენელი ნაწილია: თუ ადამიანი ვერ იხდის, კი არ „ახრჩობ“, არამედ ახალ პირობებს სთავაზობ, რომ მერე მაინც გადაიხადოს. ამით ბანკები გადახდისუნარიან მსესხებლებს ინარჩუნებენ,“-აცხადებს პაატა შეშელიძე. შეგახსენებთ, რომ საქართველოს მოქალაქეები, რომლებიც კორონავირუსის პანდემიის გამო სამსახურის გარეშე დარჩნენ, სასესხო ვალდებულებებისგან სამი თვით გათავისუფლდენენ. ამავე დროს “ლელომ” მთავრობას, 3-მილიარდიანი საკრედიტო საგარანტიო ფონდის შექმნას შესთავაზა. როგორც რამდენიმე თვის წინ, პარტიაში აცხადებენ, აღნიშნული ფონდი მათ მიერ შეთავაზებული 6 - მილიარდიანი ანტიკრიზისული მოდელის ერთ-ერთი მნიშვნელოვანი ნაწილია.ფონდი კი საშუალებას მისცემდა კომპანიებს, შეენარჩუნებინათ თანამშრომლების 80%.





მასალის გამოყენების პირობები

სხვა სიახლეები
საქართველოსა და რუსეთის მატჩი კიდევ ერთხელ გადაიდო
განადგურებული სამხედრო ტექნიკა და ცოცხალი ძალა - აზერბაიჯანის თავდაცვის უწყების მორიგი ვიდეო
"ამ არჩევნებს ამერიკის მთავრობა განსაკუთრებული ყურადღებით აკვირდება" - სახელმწიფო დეპარტამენტის წარმომადგენელი
21 ოქტომბრის ასტროლოგიური პროგნოზი
დეპუტატ დიმიტრი მხეიძეს კორონავირუსი დაუდგინდა
საქართველოს განვითარება მხოლოდ მიხეილ სააკაშვილს შეუძლია - მსოფლიოში ცნობილი ქართველი მევიოლინე
"ეს იყო ჩვენი შეცდომა, ცოტა პოპულისტური გადაწყვეტილება.." - პაატა იმნაძე
ავარია წალენჯიხაში - 6 წლის ბიჭს მსუბუქი ავტომობილი დაეჯახა
ერთი სფერო მითხარით, რის გამოც ეს ჩაფლავებული ხელისუფლება დარჩენას იმსახურებს - სერგი კაპანაძე
იგორ გიორგაძე ბიძინა ივანიშვილს, შვედ და რუს ბიზნესმენებს შორის შუამავალია - სკანდალური ვიდეოჩანაწერი
საინტერესო ამბები
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
პირველი ქართული პროდუქტი ინტერნეტ სამყაროში - #სთექი საქართველოშიც ხელმისაწვდომი ხდება
დღეს, 02:42
თამო ვაშალომიძე შეყვარებულია - მისი ახალი რჩეული ახალგაზრდა ბიზნესმენია
დღეს, 02:42