კითხვა აქტუალურია იმის მიუხედავადაც, რომ ეზუგბაიას თბილისიდან ბათუმში, კოლეგების დახმარების მიზნით გამგზავრების შესახებ ინფექციური საავადმყოფოს დირექტორმა თენგიზ ცერცვაძემ დააანონსა რამდენიმე , თუმცა კორონავირუსსა და პანდემიას შეჩვეული მოქალაქეები, ეზუგბაიას ეთერიდან გაუჩინარებას მაინც ვერ შეეგუვნენ.
„პრაიმტაიმი“ მარინა ეზუგბაიას ბათუმში დაუკავშირდა. აჭარაში მყოფი ექიმი გადატვირთული გრაფიკით მუშაობს, თუმცა, ჩვენთან სალაპრაკოდ დრო მაინც გამონახა. ეზუგბაიამ გვითხრა, რომ აჭარის ჯანდაცვის სექტორს ტრენინგებს უტარებს და ეპიდვითარების მართვაში ეხმარება. ინფექციური საავადმყოფოს სამედიცინო დირექტორმა გვიპასუხა კითხვაზეც, როდის დაუბრუნდება თბილისს და ტრადიციულ ბრიფინგებს.
„ამდენი თვის განმავლობაში რა გამოცდილებაც მივიღეთ, ჩვენს ბათუმელ კოლეგებს უნდა გავუზიაროთ. რადგან მათთან ეს ყველაფერი ახალი დაწყებულია, ამიტომ სწორად და ადეკვატურად უნდა მოხდეს პაციენტების მკურნალობა.ბათუმიდან რომ დავბრუნდები, ტრადიციულ ბრიფინგებსაც მაშინ დავუბრუნდები. გააჩნია, რა ვითარება იქნება ადგილზე. სავარაუდოდ, ეს მოხდება 2 კვირის შემდეგ“, – განაცხადა მარინა ეზუგბაიამ.
ცნობისთვის, აჭარაში გამწვავებული ეპიდვითარებისა და ბათუმში კორონავირუსის უპრეცენდენტო შემთხვევების გამოვლენის გამო, საჭირო გახდა, რომ ადგილზე მომუშავე ინფექციონისტებსა და დაავადებათა კონტროლის ეროვნული ცენტრის თანამშრომლებს თბილისიდან ჩასული ინფექციური საავადმყოფოს სპეციალისტებიც დახმარებოდნენ, მათ შორისაა მარინა ეზუგბაია 3 კოლეგასთან ერთად.
მასალის გამოყენების პირობები