ყველაზე მთავარი რაც აქ ჩანს, არის ის, რომ "ქართული ოცნება“ მარცხდება

ყველაზე მთავარი რაც აქ ჩანს, არის ის, რომ "ქართული ოცნება“ მარცხდება - კაპანაძე IPSOS-ის კვლევაზე

პოლიტიკა - 12:51, 19 Oct, 2020

521

ევროპული საქართველოს საარჩევნო შტაბის ხელმძღავნელი, სერგი კაპანაძე, IPSOS-ის კვლევას აფასებს.

კაპანაძის თქმით, ამ კვლევაში ჩანს, რომ ევროპული საქართველო სიდიდით მესამე პოლიტიკური ძალა იქნება და მას ექნება ორნიშნა მაჩვენებელი.

კაპანაძემ აღნიშნა, რომ ყველაზე მნიშვნელოვანი რაც ამ კვლევით ჩანს, არის ის, რომ მოსახლეობის აბსოლიტური უმრავლესობა მხარს უჭერს ქართული ოცნების დამარცხებას.

„ჩვენ რეგულარულად ვაკეთებთ ჩვენს კვლევებასაც და ვაანალიზებთ სხვა კვლევებსაც, რომელიც ქვეყნდება. საბოლოო ჯამში, ყველა ამ კვლევის ანალიზის შედეგად, ცალსახა სურათი არის ჩვენთვის, რომ ჩვენ ვიქნებით სიდიდით მესამე პოლიტიკური ძალა და გვექნება ორნიშნა მაჩვენებელი. ეს არის ერთი, რაც ნამდვილად შემიძლია, რომ ვთქვა. მაგ კვლევის კონტექსტი უფრო მნიშვნელოვანია, ვიდრე ცალკეული ძალის პოლიტიკური რეიტინგი. მაგ კვლევაში რაც ჩანს, არის ის, რომ აბსოლუტური უმრავლესობა მხარს უჭერს „ქართული ოცნების“ დამარცხებას და მოსახლეობის 60% თვლის, რომ „ქართული ოცნება“ უნდა შეიცვალოს. ის, რომ „ქართული ოცნებას“ აქვს 40%-ს ქვემოთ, ნიშნავს იმას, რომ მათი მარცხი გარდაუვალია, მითუმეტეს იმ ფონზე, რაც ხდება ქვეყანაში, რომ ერთადერთი კოზირი, რომელსაც იყენებდნენ, რომ თითქოს ისინი არიან მაგარი კრიზისმენეჯერები და პანდემია დაძლიეს, აღმოჩნდა ისეთივე მტკნარი სიცრუე, როგორც დაპირება - 5 მილიონი ყველა სოფელს. ყველაზე მთავარი რაც აქ ჩანს, არის ის, რომ „ქართული ოცნება“ მარცხდება”, - განაცხადა კაპანაძემ.