პერუში, ნაზკას პლატოზე არქეოლოგებმა გათხრების დროს კატის გიგანტური გამოსახულება აღმოაჩინეს. გეოგლიფის სიგრძე 37 მეტრია და მეცნიერთა დასკვნით, მისი ასაკი 2000 წელს აღემატება. ამის შესახებ ინფორმაციას ბრიტანული მედია ავრცელებს. სურათის მიხედვით თუ ვიმსჯელებთ, კატა მთის პირას, მარცხენა მხარესაა გამოსახული.
პერუს კულტურის სამინისტროს განცხადებით, ნახატი აღმოჩენილი იქნა სადამკვირვვებლო მოედნის აღდგენის მომენტში და ბუნებრივი ეროზიის გამო მისი განადგურების საფრთხე არსებობდა.
სტილისტური მახასიათებლების თანახმად, ნახატი პარაკასის კულტურის გვიანდელ ეპოქას ეკუთვნის, იმ პერიოდს როდესაც ადგილობრივ კულტურაში კატების ნახატები ძალზე პოპულარული იყო. შეგახსენებთ, რომ პარაკასის კულტურა ანდების მთების მიდამოებში ძვ.წ 800-იდან 100 წლამდე იყო გავრელებული. აღნიშნული ცივილიზაცია განსაკუთრებით ცნობილია უდიდესი ცოდნით საირიგაციო-სარწყავი სისტემების დახვეწასა და მენეჯმენტში.
არქეოლოგთა თქმით, ზემოხსენებული ნახატი ყველაზე ძველიც კი შეიძლება იყოს პლატო ნასკაზე, სადაც უმრავლესობა ნახატებისა ძვ.წ 100-200 წლით თარიღდება.
მასალის გამოყენების პირობები