ცემა და საკუთარ სახლში გააუპატიურა - საზარელი ფაქტი თბილისში, დაკავებულია 18 წლის ბიჭი

კრიმინალი - 20:48, 19 Oct, 2020

15656

უმძიმესი ფაქტი თბილისში - დედაქალაქში გაუპატიურების ბრალდებით 2002 წელს დაბადებული პირი დააკავეს.

ფაქტს "ნიუპოსტს" შსს-ში უდასტურებენ. როგორც ჩვენთვის მოწოდებულ ოფიციალურ ინფორმაციაშია აღნიშნული, დაკავებულს 6-დან 8 წლამდე პატიმრობა ემუქრება.

დაზარალებული 25 წლის გოგოა. როგორც "ნიუპოსტმა" გაარკვია, ბრალდებულმა ქალი ცემა შემდეგ კი გააუპატიურა.

"ნიუპოსტი" შინაგან საქმეთა სამინისტროს ოფიციალურ განცხადებას უცვლელად გთავაზობთ:

"შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 2002 წელს დაბადებული ი.ზ. გაუპატიურებისა და ძალადობით ჩადენილი თვითნებობის ბრალდებით, თბილისში დააკავეს. დანაშაული 6-დან 8 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა მამაკაცმა 1995 წელს დაბადებულ მ.ბ.-ს, მისსავე საცხოვრებელ სახლში, სიტყვიერი და ფიზიკური შეურაცხყოფა მიაყენა, რის შემდეგაც, მსხვერპლის ნების საწინააღმდეგოდ, მასთან სქესობრივი კავშირი დაამყარა. გამოძიება მიმდინარეობს საქართველოს სისხლის სამართლის კოდექსის 137-ე მუხლის 1-ლი ნაწილით და 360-ე მუხლის მე-2 ნაწილით, რაც გაუპატიურებას და ძალადობით ჩადენილ თვითნებობას გულისხმობს" - განუცხადეს "ნიუპოსტს" შინაგან საქმეთა სამინისტროში.