"აჭარა გახდება საქართველოს IT ტექნოლოგიური დედაქალაქი და შექმნება ბევრი მაღალშემოსავლიანი სამუშაო ადგილი," - გიორგი ვაშაძე
პოლიტიკა - 19:41, 24 Oct, 2020     242


"სტრატეგია აღმაშენებლის" ლიდერმა გიორგი ვაშაძემ აჭარის უმაღლესი საბჭოს გუნდის წარდგენისას რეგიონის განვითარების პერსპექტივებსა და სამომავლო რეფორმებზე ისაუბრა. ვაშაძის თქმით, აჭარაში განსაკუთრებით აქტიური ახალგაზრდული გუნდი ჩამოყალიბდა, რომელიც მზად არის ქვეყნის აღმშენებლობისთვის და მზად არის ღირსეული პასუხი გასცეს საქმის კეთებით "ფულის მკეთებელთა გუნდს". მათი მიზანია შეიქმნას ადაპტირებული გარემო ყველა ადამიანისთვის, მათ შორის შეზღუდული შესაძლებლობის მქონე და განსაკუთრებული საჭიროებების მქონე პირთათვის. პარტიის ლიდერი რეგიონში არსებულ სხვა სოციალურ პრობლემებსაც შეეხო, როგორიცაა პენსიონერებისთვის მაღალ პროცენტიანი სესხები და გაძვირებული მედიკამენტები.
„აჭარაში განსაკუთრებით აქტიური ახალგაზრდული გუნდი ჩამოყალიბდა. 30 000-ზე მეტ ადამიანს ბათუმში პირადად შევეხმიანეთ, გავესაუბრეთ და ავუხსენით, თუ რისთვის ვმუშაობთ ჩვენ. ათასოვბით ახაგაზრდას შევხდით სხვა რაიონებში, მათ შორის, ხელვაჩაურში, ქედა-შუახევში, ხულოში, ქობულეთში და ა.შ. ეს არის სწორედ, ის ახალი ენერგია, რომელიც ჩვენ, ყველამ ერთად უნდა გამოვიყენოთ საქართველოს განვითარებისთვის.ჩვენი მიზანია, შევქმნათ ადაპტირებული გარემო ყველა ადამიანისთვის, მათ შორის, შეზღუდული შესაძლებლობების მქონე და განსაკუთრებული საჭიროებების მქონე ადამიანებისთვის. დღეს პირველი ჯგუფის შშმ ადამიანი თავისი პენსიიდან 36%-ს სასესხო პროცენტს "ლიბერთი ბანკში" იხდის, ჩვენ დავდეთ პირობა და აქაც ვდევბთ, რომ ყველა პენსიონერს და შშმ პირს ჩვენი გამარჯვებიდან 30 დღეში ჩამოეწერება სესხის ეს გაზრდილი პროცენტი, მინიმუმ 30%-ით გაუაფდებათ მედიკამენტები, რადგან ევროპულ ფასწარმოქმნის სტანდარტს დავნერგავთ. ჩვენ დავდეთ პირობა, რომ ყველა მცირე და საშუალო ბიზნესს, ყველა ადამიანს ვინც სამუშაო ადგილი დაკარგა შემდგომი ექვსი თვის მანძილზე დაუსუფსიდირდება სესხის პროცენტი იმ ნასესხები 5 მლრდ-დან, რომელიც ჩვენმა ამერიკელმა და ევროპელმა პარტნიორებმა გამოგვიყვეს. ჩვენ პირობას ვდებთ, რომ მყისიერად დავიწყებთ მასობრივ ტესტირებას ქვეყანაში, ლოკალიზებას მოვახდენთ კორონა ვირუსის გავრცელების, იმ ალგორითმით, რომელიც ჯერ კიდევ აპრილში გავუგზავნეთ ხელისუფლებას და არ გამოიყენა.გავხსნით საზღვრებს, მოვიზიდავთ ტურისტებს, ავამუშავებთ ეკონომიკას და შემოვიტანთ ინვესტიციებს ქვეყანაში. 3 ტრილიონი დოლარი დაბეჭდა აშშ-მ, ეს თანხა საინვესტიციო პოტენციალს ელოდება და სწორედ ბათუმიდან, აჭარიდან უნდა დავიწყოთ ამ ინვესტიციების მოზიდვა ქვეყანაში. ჩვენ გვჭირდება 12 მლრდ დოლარი, რომ 300 000 სამუშაო ადგილი შევქმნათ. მე პირობას გაძლევთ, როგორც კი გავხდები ქვეყნის პრემიერ-მინისტრი თქვენი სახელით ვივლი ინვესტორებთან და ჩამოვიტან ინვესტიციებს ქვეყანაში. აჭარაში და ბათუმში ჩვენ ვაპირებთ ერთი ინდუსტრიული პარკის აშენებას, სადაც მცირე და საშუალო ბიზნესის წარმოება განთავსდება. აჭარა უნდა გახდეს საქართველოს IT ტექნოლოგიური დედაქალაქი, ბევრი ახალგაზრდა, ბევრი ITკომპანია, ბევრი მაღალშემოსავლიანი სამუშაო ადგილი იქნება აჭარაში და რა თქმა უნდა, ვგეგმავთ იმ საოცარი პოტენციალის ათვისებას, რომელიც არის მაღალმთიან აჭარაში. ბევრს ვერც კი წარმოუდგენია რა სილამაზესთან გვაქვს საქმე. ჩვენი პირველი ვიზიტის დროს აჭარაში გავიარეთ და საოცარი ადგილები, კულტურა და ისტორია ვნახეთ. ვფიქრობ, რომ დადგა დრო ეს საოცრება მთელ მსოფლიოს გავაცნოთ და ამით შემოსავალი თითოეულმა ოჯახმა ნახოს, ვინც ცხოვრობს აჭარის რეგიონში. ამ არჩევნებზე „ქართულ ოცნებას" აქვს ერთადერთი იმედი, რომ ცოტა ადამიანი მივა არჩევნებზე. ჩვენი მთავარი ვალდებულება და მოვალეობა არის, რომ ყველანი მივიდეთ არჩევნებზე, იმიტომ, რომ თითოეული ხმა საქართველოს ბედს გადაწყვეტს. თითოეული მიცემული ხმა ეს არის პასუხისმგებლობა აღებული ქვეყნის მართვის პროცესში. ეს არის მომენტი, სადაც მარტივად შეგვიძლია ყოველგვარი ზედმეტი ძალისხმევის გარეშე 31 ოქტომბერი ვაქციოთ შემობრუნების წერტილად და განვითარების ახალ საწყისად, სტარტად, რომელიც ასე ძალიან სჭირდება ქვეყანას. თავადვე ხედავთ, თუ როგორ იცვლება ყოველდღიურად ადამიანების პოზიტიური დამოკიდებულება ჩვენსკენ - 27 ნომერი - „სტრატეგია აღმაშენებელი" - განაცხადა გიორგი ვაშაძემ.





მასალის გამოყენების პირობები

სხვა სიახლეები
"პარლამენტი არ უნდა შედგეს"- შალვა ნათელაშვილი
"წაიშალოს წითელი ხაზები და მივიდეთ შეთანხმებანდე"- ინაშვილი ახალი საპარლამენტო არჩევნების ჩატარებას ითხოვს
"უკნიდან მომეპარა და ხალათით მახრჩობდა... ყელზე ჰქონდა მობჯენილი გადანატეხი თერმომეტრი და "ბრიტვა“ - რას ყვება ექთანი, რონმელსაც კოვიდსასტუმროში პაციენტი თავს დაესხა
ავტოსაგზაო შემთხვევა ლანჩხუთში - ტრაილერი გზის სავალი ნაწილიდან გადავარდა
შემოსავლების სამსახურის საბაჟო დეპარტამენტის ობიექტებზე სადეზინფექციო სამუშაოები ჩატარდა
სანამ ქართული ოცნება იქნება ხელისუფლებაში, ოკუპაციის პრობლემა მხოლოდ გაღრმავდება - კანდელაკი
ნარკოტიკებზე დამოკიდებულმა მამაკაცმა მეგობრის მიერ დატოვებულ ბავშვს სამზარეულოს დანით თავი მოაჭრა
დაზიანებები ჯერ მას, შემდეგ საკუთარ თავს მიაყენა - ბათუმის კოვიდ-სასტუმროში პაციენტი ექთანს თავს დაესხა
არსებობს წინსვლის რესურსი, თუმცა ეს უნდა მოხდეს ახალი არჩევნების ირგვლივ, არცერთ სხვა საკითხზე ჩვენ არ ვაპირებთ რაიმე დათმობას ან დისკუსიას - კაპანაძე
ნებისმიერი ფორმის უფრო მჭიდრო ინტეგრაცია ნატოსთან, რომელიც მოახდენს ჩვენს დაცვას გარე საფრთხეებისაგან, უნდა იყოს მისაღები - კაპანაძე ვერშბოუს განცხადებაზე
კრემლი: "ვლადიმირ პუტინი კოვიდ 19-ის საწინააღმდეგო რუსულ ვაქცინას ვერ მიიღებს, რადგან მისი უსაფრთხოება დაუმოწმებელია"
სამი წელი 19 წლის ბიჭის ჩაცხრილვიდან და ოჯახის ბრძოლა სიმართლისთვის - თემირლან მაჩალიკაშვილი 22 წლის გახდებოდა
SPUTNIK V- 2021 წელს რუსეთში კოვიდ 19-ის საწინააღმდეგო მილიარდ ვაქცინას დაამზადებენ
გადაწყვეტილების მიღება უჭირთ იმაზე, თუ რა ურჩევნიათ, ამ კრიზისის დაძლევა თუ სრული სვლით სიარული ტოტალიტარიზმისაკენ - კაპანაძე
საინტერესო ამბები
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
პირველი ქართული პროდუქტი ინტერნეტ სამყაროში - #სთექი საქართველოშიც ხელმისაწვდომი ხდება
დღეს, 02:42
თამო ვაშალომიძე შეყვარებულია - მისი ახალი რჩეული ახალგაზრდა ბიზნესმენია
დღეს, 02:42