იმისათვის, რომ ქვეყანაში შექმნილი პოლიტიკური კრიზისიდან გამოვიდეს, ერთადერთი გამოსავალი საარჩევნო ადმინისტრაციის შეცვლა და ხელახალი არჩევნების ჩატარებაა - ეს განცხადება აშშ-ს ელჩთან შეხვედრაზე მისულმა "ლელოს" ლიდერმა, მამუკა ხაზარაძემ გააკეთა.
მისი თქმით, ხელახალ არჩევნებზე შეთანხმების გარდა, ქართული ოცნების მხრიდან ნებისმიერი სხვა მცდელობა უშედეგო იქნება.
"მოცემულობა არის შემდეგი - არჩევნები გაყალბდა, ეს ფაქტია. მოსახლეობის ნახევარზე მეტმა დაადასტურა, რომ ოპოზიციური პარტიების ხმების იქნა მოპარული, არის შექმნილ პოლიტიკური კრიზისი, ამიტომ, აქედან გამოსავალი არის მხოლოდ და მხოლოდ ერთი - შეიცვალოს საარჩევნო ადმინისტრაცია და ჩატარდეს ახალი არჩევნები. ნებისმიერი სხვა მცდელობა ოცნების მხრიდან, ცალ-ცალკე გზავნილები სხვადასხვა პარტიებთან, იქნება უშედეგო. ამ ქვეყანას სჭირდება სწრაფი გადაწყვეტილებები, თუ ჩვენ გვინდა, რომ გამოვიდეთ ამ მძიმე პოლიტიკური, ეკონომიკური და პანდემიური კრიზისიდან. მე ვაპირებ ვისაუბრო მოსახლეობასთან გამოსავლის გზების ძიებაზე და არა ყოველდღიურ პიარ კამპანიაზე, რომელსაც გვთავაზობენ ოცნების წარმომადგენლები", - განაცხადა ხაზარაძემ.
მასალის გამოყენების პირობები