დაავადებათა კონტროლის ეროვნული ცენტრიის დირექტორმა განაცხადა, რომ ახლა შეცდომების აღნიშვნისა და წარსულზე საუბრის დრო არ არის. მისი თქმით, "ცეცხლი" უკვე ანთია და ერთად უნდა ჩავაქროთ.

"შეცდომა ვისია და რა, მოდი შემდეგ გავარჩიოთ. ახლა არ არის იმ წარსულზე ლაპარაკის დრო. ახლა სხვა დროა, სხვა. ჩვენ სერიოზულ ბრძოლაში ვართ. ახლა რომ ვიღაცებზე თითის გაშვერა დავიწყოთ, ეს არ არის სწორი. ახლა სწორია, როცა უკვე ცეცხლი ანთია, ერთად უნდა ჩავაქროთ ყველამ. ამიტომ, ახლა ვინ, როდის, რანაირად მოიქცა და ასე შემდეგ, ამას თავი დავანებოთ", — განაცხადა გამყრელიძემ “რუსთავი 2-ის“ ეთერში.