შურისძიება სასიყვარულო SMS-ის გამო? - "ჩემს რძალს წერდა... ვიცი სახლში მარტო ხარო..." - მკვლელობაში ბრალდებნულის დედა სკანდალურ ისტორიას ჰყვება

კრიმინალი - 13:08, 05 Jan, 2021

8208

ბათუმში მომხდარ მკვლელობაში ბრალდებული პირის დედა სკანდალურ განცხადებას აკეთებს - ჯამბულ მამულაძის დედის მტკიცებით, დაპირისპირების მიზეზი სასიყვარული sms-ები გახდა.
მისი თქმით, მოკლული გიორგი ბოლქვაძის ბიძაშვილი, ბრალდებული მამულაძის ძმის ცოლს სასიყვარულო sms–ებს წერდა.
"ამ ჩემს რძალს საერთოდ არც იცნობს, წავიდა სასიყვარულო მესიჯების წერა, ვიცი სახლში მარტო ხარო, შენი დედამთილ–მამათილი სად დადისო... " – ამბობს ბრალდებულის დედა მზიური მჟავანაძე.

ამასთან "ნიუპოსტი" უკვე წერდა, რომ ჩხუბისას კიდევ ერთი ახალგაზრდა დაიჭრა, თუმცა პოლიციას ის ამ დრომდე არ დაუკითხავს.

არსებული ინფორმაციით, ახალგაზრდა მამაკაცს ჭრილობები ცივი იარაღით მიაყენეს, თუმცა ფაქტით გამოძიება არ დაწყებულა.

სასტიკი მკვლელობა ბათუმში გუშინ მოხდა. მოკლულია 44 წლის გიორგი ბოლქვაძე. მკვლელობის მოტივად კი ერთი კვირის წინ მომხდარი დაპირისპირება სახელდება.

მკვლელობისთვის ბრალდებულია ჯამბულ მამულაძე. დაკავებულის ოჯახის წევრები ამბობენ, რომ მამულაძე თავს იცავდა, რადგან ბოლქვაძის დაჯგუფება მათ ოჯახში შეიჭრა და ინვენტარი დააზიანა.