ჯანდაცვის მინისტრის მოადგილის, თამარ გაბუანიას განმარტებით, თუ ქვეყანაში "ფაიზერის" ვაქცინა შემოვა, აცრის პროცესი სამ დიდ ქალაქში - თბილისში, ქუთაისსა და ბათუმში ჩატარდება რადგან, მხოლოდ ამ ქალაქებშია ის მაცივრები, სადაც აღნიშნული ვაქცინის შენახვაა შესაძლებელი.

"მაცივრები, სადაც ვაქცინის შენახვა იქნება შესაძლებელი, სამ დიდ ქალაქშია. თუ ჩვენ დაგვჭირდა, მაგალითად, "ფაიზერის" ვაქცინაციის დაწყება, მთავარი ადგილები, სადაც აცრა მოხდება, ეს იქნება სამი დიდი ქალაქი - თბილისი, ქუთაისი და ბათუმი. მაშინ, თუ "ასტრაზენეკაზე" გადავალთ, უკვე შეგვიძლია აცრის შესაძლებლობა უფრო ფართოდ გავშალოთ და შესაძლებელი იყოს რაიონულ დონეზეც ჩატარდეს აცრა,"- განაცხადა თამარ გაბუნიამ.