ორი ცდა კატასტროფამდე - პროგრამისტს საკუთარი 240 მილიონიანი ბიტკოინ-საფულის პაროლი დაავიწყდა

ეს საინტერესოა - 23:26, 13 Jan, 2021

4216

აშშ-ში, სანფრანცისკოში მცხოვრებ პროგრამისტს სტივენ ტომასს საკუთარი ბიტკოინ-საფულის პაროლი დაავიწყდა, სადაც 240 მილიონი დოლარის ღირებულების ბიტკოინია განთავსებული. როგორც პროგრამისტმა New York Times-ს განუცხადა, მას 10-დან 8 უშედეგო ცდა უკვე გამოიყენა და საფულის საბოლოო დაბლოკვამდე 2 ცდა დარჩა.

მას შემდეგ რაც New York Times-ში ეს ინფორმაცია გავრცელდა, ტომასს დახმარებას მთელი ინტერნეტსამყარო სთავაზობს, მათ შორის Facebook-ის უსაფრთხოების განყოფილების ყოფილი ხელმძღვანელი ალექს სტეიმოსი, რომელიც დახმარებაში თანხის 10%-ს ითხოვს.

1 ბიტკოინის ფასი, დაახლოებით 1 თვის განმავლობაში, 20 000 დოლარიდან 42 000 დოლარამდე გაძვირდა, ხოლო შემდეგ 32 000-მდე დაეცა. ექსპერტები მის ვარდნის 20 000 ვარაუდობენ და სწორედ ამიტომ გადაწყვიტა სტივენმა საფულეში შესვლა.

აღსანიშნავია, რომ ეს ბიტკოინები სტივენ ტომასს 10 წლის წინ გადაუხადეს, როდესაც 1 ბიტკოინი სულ რამდენიმე დოლარი ღირდა. მან გადამხდელს გაუგზავნა ვიდეო, სადაც ის მას უხსნიდა კრიპტოვალუტის მუშაობის პროინციპებს. ტომასს თანხა ჩაერიცხა საფულეში, რომელიც გარე მყარ დისკზე IronKey-ზე იყო მოთავსებული. დისჯკში შესვლას კი პაროლი სჭირდება. ტომასმა პაროლი ფურცელზე ჩაიწერა, მაგრამ, როგორც თაბად აცხადებს, ფურცელი დაიკარგა.

საინტერესოა, რომ სტივენნ ტომასი არც პირველკია და სავარაუდოდ არც უკანასკნელი, რომელიც ასეთ დღეში იმყოფება - კრიპტოანალიტიკური კომპანია Chainanalysis-ის წარმომადგენლები აცხადებენ, რომ მთელი მსოფლიოს მასშტაბით ე.წ. დაბლოკილ ან დაკარგულ კრიფტოსაფელეებში 140 მილიარდი დოლარი "ინახება".