ხმაური ჩოხატაურის მერიასთან - ადგილზე შეკრებილი მუსლიმი თემის წარმომადგენლები მერიაში შესვლას ცდილობენ, თუმცა პოლიცია მათ ამის საშუალებას არ აძლევს.

„შეგვიშვან, ან გამოვიდეს ვინმე და დაგველაპარაკოს“, - აცხადებენ აქციის მონაწილეები.

მათი მტკიცებით, გუშინ გამართულ შეხვედრაზე შეთანხმება არ მომხდარა.

მუსლიმი თემის წარმომადგენლები ითხოვენ, რომ მუსლიმურ სამლოცველოში ლოცვის საშუალება ჰქონდეთ, რასაც ადგილობრივი ქრისტიანული მოსახლეობა ეწინააღმდეგება.