საზოგადოება უნდა მიხვდეს, რომ სხვა მეთოდი გვაქვს მოსაძებნი, რა თქმა უნდა მშვიდობიანი, მაგრამ იძულებითი

საზოგადოება უნდა მიხვდეს, რომ სხვა მეთოდი გვაქვს მოსაძებნი, რა თქმა უნდა მშვიდობიანი, მაგრამ იძულებითი - ბესო წერედიანი

პოლიტიკა - 18:10, 14 Jan, 2021

359

პარლამენტთან შეკრებილი სამოქალაქო აქტივისტები დღეს ეროვნულ-დემოკრატიული პარტიის ლიდერმა ბაჩუკი ქარდავამ მოინახულა. აქტივისტები უკვე 45-ე დღეა კარავში იმყოფებიან და მიტაცებულ არჩევნებს აპროტესტებენ.
მოძრაობა "საქართველოსთვის" წევრის ბესო წერედიანის განცხადებით, საპროტესტო ტალღა აუცილებლად გაზირდება, რადგან ხელისუფლება საკუთარი ნებით არ წავა, მათი სათავეში ყოფნა კი ქვეყნისთვის ძალიან სახიფათოა:

"გრძელდება ჩვენი პროტესტი და უფრო და უფრო გაიზრდება აუცილებლად იმიტომ, რომ სხვა გამოსავალი და სხვა საშველი ამ ქვეყანას არ აქვს. ერთადერთი ლეგიტიმური საფუძველი ხელისუფლების ცვლილებისა და მომავლის უკეთესობისკენ შეცვლის ყველა ნორმალურ ქვეყანაში არის არჩევნები, ამ ადამიანმა კი აიღო და მოიპარა ეს არჩევნები ძალიან მარტივად, მესიჯიც გვესროლა - სანამ მე მომინდება და სანამ ვიქნები, არჩევნებს არანაირი აზრი არ აქვს. გვანახა ისიც, რომ ყველა მეთოდი გამოიყენა აბსოლუტურად, მომავალ არჩევნებზე, რომც ვაცადოთ, უბრალოდ სპეცრაზმს დააყენებს და ააფეთქებს საარჩევნო უბნებს - ეს კაცი წასვლას არ აპირებს. საზოგადოება უნდა მიხვდეს, რომ სხვა მეთოდი გვაქვს მოსაძებნი, რა თქმა უნდა მშვიდობიანი, მაგრამ იძულებითი, რომ ესენი ხელისუფლებიდან წავიდნენ იმიტომ, რომ საფრთხის წინაშე დგება ქვეყნის მომავალი, ჩვენი შვილების მომავალი. საერთოდ თუ რამე გვიკეთებია ბოლო 30 წლის განმავლობაში, ამ ადამიანმა აიღო და ნაგავში გადააგდო. საზოგადოებაში არალეგიტიმაციურობის განცდა გაჩნდა ხელისუფლებისა და პოლიტიკური წარმომადგენლობის, რაც უფრო იწელება, უფრო მეტი წინააღმდეგობა ექნება" - განაცხადა წერედიანმა.