დაავადებათა კონტროლის ცენტრის დირექტორის მოადგილემ, პაატა იმნაძემ მისივე გამონათქვამი ( "ჩვეულებრივი ადამიანებისთვის ვაქცინა იქნება ზაფხულში ან შემოდგომის დასაწყისში") განმარტა.

მისი თქმით, "არაჩვეულებრივები" არიან ის ადამიანები, ვინც კოვიდზე ყოველდღე მუშაობენ, სწორეს ისინი უდა აიცრან პირველი.

"ჩემს ერთ-ერთ გამოთქმას მოყვა... ჩვეულებრივი ადამიანია ჩემი შვილი, ერთი, მეორე არა, იმიტომ რომ ლაბორატორიაში მუშაობს კოვიდზე, ჩვეულებრივია ჩემი ცოლი, ჩვეულებრივები არიან ჩემი შვილები, მაგრამ არიან ის ადამიანები, რომლებიც კოვიდზე ყოველდღე მუშაობენ, აი, ისინი უნდა აიცრან პირველი. ალბათ, ამაში ვერავინ მოგვედავება" ,- განაცხადა იმნაძემ "ფორმულასთან".