გიორგი ღოღობერიძე: ყველა მშობელმა, ვისმა შვილმაც კოვიდ-19 გადაიტანა, ეს უნდა იცოდეს
COVID-19 - 18:29, 15 Jan, 2021     1441

Usmle მოსამზადებელი ცენტრის წარმომადგენელი, ონკოლოგი, ბიოქიმია-ფარმაკოლოგიის ლექტორი, გიორგი ღოღობერიძე მორიგი ლაივ-ჩართვაში აცხადებს, რომ მულტისისტემური ანთებათა სინდრომის შესახებ ფაქტიურად ყველა მშობელმა უნდა იცოდეს. ეს ცოტა მძიმე თემაა, მაგრამ ცოდნა ძალაა და ყველა მშობელი ინფორმირებული უნდა იყოს ამასთან დაკავშირებით. როცა რაღაც ვიცით, მისგან თავის დაცვა უფრო ადვილია

"ეს დაავადება ძალიან ჰგავს კავასაკის სინდრომს, ამიტომ მას კავა-კოვიდსაც ეძახიან. სინამდვილეში მულტისისტემური ანთებითი სინდრომი (მას) უფრო საშიში დაავადებაა, რადგან უფრო მაღალი სიკვდილობა ახასიათებს, თუმცა ექიმთან დროული მიმართვის შემთხვევაში შემთხვევათა 98% კარგად სრულდება. ამიტომ მთავარია ვიყოთ ყურადღებით და საჭიროების შემთხვევაში მივმართოთ ექიმს.


მშობლებმა, რომლებსაც ჰყავთ 0-19 წლის ასაკის შვილი, უნდა იცოდნენ ამ სინდრომზე. საქართველოში უკვე დაფიქსირდა მისი რამდენიმე ათეული შემთხვევა. ეს სინდრომი ეხებათ უშუალოდ ბავშვებს. მართალია ის მოზრდილსაც შეიძლება განუვითარდეს, მაგრამ ძალიან იშვიათად. ძირითადად, ეს ბავშვების დაავადებაა.


დაავადება, სახელად მულტისისტემური ანთებითი სინდრომი 0-19 წლის ასაკის ბავშვებში, განსაკუთრებით 7 წლის ასაკის ბავშვებში ვითარდება. ის გვხვდება როგორც გოგოებში, ასევე ბიჭებში, თუმცა სტატისტიკურად ბიჭებში უფრო ხშირად ვითარდება.


როცა ბავშვები ავადდებიან კოვიდით, შემთხვევათა თითქმის 100%-ში ისინი ვირუსს მსუბუქად და ხშირად უსიმპტომოდაც იხდიან. თუმცა აღმოჩნდა, რომ კოვიდის შემდეგ რაღაც პერიოდში, უფრო კონკრეტულად 2-6 კვირის განმავლობაში შეიძლება მულტისისტემური ანთებითი სინდრომი განვითარდეს. სავარაუდოდ, კოვიდის შემდეგ მას-ის განვითარებას იწვევს კოვიდის მიერ ინტერფერონების წარმოების შეფერხება. ვირუსის ალაგების შემდეგ იმუნური სისტემა ძალიან მაღალი ენერგიით იწყებს მუშაობას და ადამიანის ორგანიზმსვე ებრძვის.


ამიტომ იყავით ყურადღებით და თუკი მას-ის სიმპტომებიდან რომელიმეს შენიშნავთ, დაუყოვნებლივ მიმართეთ პედიატრს.


თუკი თქვენმა შვილმა გადაიტანა კოვიდი, მისი გადატანიდან 2-6 კვირის განმავლობაში კი:


აქვს მაღალი ტემპერატურა ზედიზედ სამ დღეზე მეტხანს;


აქვს მუცლის ტკივილი, დიარეა ან გულისრევა, ან სამივე ერთად;


თუკი თვალები აქვს ჩაწითლებული, ანუ აქვს არაბაქტერიული კონიუქტივიტი;


თუკი უცებ მთელ სხეულზე გაუჩნდა გამონაყარი;


თუკი შეინიშნება შეშუპება ფეხისგულებსა და ხელისგულებზე;


თუ გამოხატულია წნევის მკვეთრი კლება;


ასეთ შემთხვევაში დაუყოვნებლივ მიმართეთ პედიატრს. აღსანიშნავია, რომ ყველა პედიატრი ამ სინდრომის შესახებ ინფორმირებული არ არის, ამიტომ თავადვე უთხარით, რომ მულტისისტემათა ანთებით სინდრომზე გაქვთ ეჭვი.


რასაკვირველია, ბავშვს ცვლილებები ექნება ანალიზებში. მაღალი იქნება დე დიმერი, ცე რეაქტიული ცილა, ერითროციტების დალექვის სიჩქარე, პროთრომბინის დრო დარღვეული. თრომბოციტების და ლიმფოციტების რაოდენობა, ასევე ნატრიუმის რაოდენობა იქნება დაბალი. ეს ყველაფერი არის პირდაპირი მინიშნება, რომ საქმე მას-თან გვაქვს.


სახელწოდებიდან გამომდინარე, მულტისისტემურ ანთებათა სინდრომს არაერთი ორგანოს დაზიანება შეუძლია. მას შეუძლია გამოიწვიოს გულის, თირკმლის, ფილტვის უკმარისობა. დააზიანოს თავის ტვინი, თვალები, კუჭ-ნაწლავი. ამიტომ უყურადღებოდ ნუ დატოვებთ ნურცერთ ზემოთ ჩამოთვლილ სიმპტომს და განსაკუთრებული ყურადღება მიაქციეთ ბავშვებს კოვიდის მოხდიდან 2 თვის განმავლობაში. საბედნიეროდ ეს დაავადება მკურნალობას ძალიან კარგად ემორჩილება, მთავარია ექიმთან დროული ვიზიტი და ყველაფერი კარგად იქნება.” - ამბობს იგი.





მასალის გამოყენების პირობები

სხვა სიახლეები
უკონტროლო კრიმინალი - თამარაშვილის ქუჩაზე ცეცხლსასროლი იარაღი იპოვეს
"ჩვენი პოზიცია იყო ძალიან მკაფიო, რომ ნიკა მელია უნდა იყოს ამ მაგიდის ირგვლივ" - აკო მინაშვილი
თუ მოლაპარაკებებს გავაგრძელებთ, შეიძლება, რაღაც გამოვიდეს - ჯაფარიძე
დიალოგის პროცესში ჩვენი ხალხის და ქვეყნის ინტერესებით ვხელმძღვანელობთ - სალომე სამადაშვილი
ვადამდელი არჩევნები და პოლიტპატიმრები - შარლ მიშელის 6 პუნქტი , რომელიც უნდა მოგვარდეს
"იმედი მაქვს, ოპოზიცია კონსტრუქციულ რეჟიმში მუშაობას გააგრძელებს" - ღარიბაშვილის პირველი კომენტარი შეხვედრის დასრულების შემდეგ
დიალოგმა სხვა დონეზე აიწია, შეგვიძლია ფრთხილი ოპტიმიზმი გვქონდეს - გიორგი ვაშაძე
მოლაპარაკება დასრულებულია - შარლ მიშელი 2 კვირიან ვადას ასახელებს
პროცესი დაიძრა, საუბარი ყველა საკითხზე იყო - ხაზარაძე "ოცნებასთან" შეხვედრის შემდეგ
"იმედიანი გაზაფხული დგება" - ნათელაშვილის პირველი კომენტარი "ოცნებასთან" შეხვედრის შემდეგ
პრეზიდენტის ადმინისტრაციაში "ოცნებისა" და ოპოზიციის შეხვედრა დასრულდა
იმედია შეხვედრა შედეგს მოიტანს, მთავარია, დიალოგი არ იყოს 1 დღის შოუ - ავსტრევიჩუსი შარლ მიშელის ვიზიტზე
Valentino-ს შავ–თეთრი შემოდგომა – ულამაზესი კოლექცია (ფოტოები)
პოლიტიკური მოლაპარაკებების პარალელურად "ოცნება" მობილიზაციას იწყებს - გდდ-ს ბაზაზე სპეცრაზმელები დაიბარეს
საინტერესო ამბები
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
ახალციხე შესაძლოა ახალი ინფექციის აფეთქების კერად იქცეს – დღეს ყირიმ–კონგოს ცხელებით 23 წლის ბიჭი დაიღუპა
დღეს, 02:42
პირველი ქართული პროდუქტი ინტერნეტ სამყაროში - #სთექი საქართველოშიც ხელმისაწვდომი ხდება
დღეს, 02:42