ოფიციალური მოსკოვი მოუწოდებს ბერლინს, ინდივიდუალური კომპენსაციები გადაუხადოს იმ გადარჩენილ ადამიანებსა და მათ ოჯახებს, რომლებიც მეორე მსოფლიო ომის პერიოდში ნაცისტების 900 დღიან ალყაში იმყოფებოდნენ ქალაქ ლენინგრადში.
„ლენინგრადის გათავისუფლების წლისთავთან დაკავშირებით, ჩვენ მოვუწოდებთ გერმანიის ფედერაციულ რესპუბლიკას, რომ განურჩევლად ეროვნებისა, საბოლოოდ მიიღონ გადაწყვეტილება ბლოკადის დროს დაზარალებულთათვის კომპენსაციების გადახდათან დაკავშირებით. დარწმუნებული ვართ, რომ ასეთი სიმბოლური ნაბიჯი ხელს შეუწყობს ომის შემდეგ გერმანელი და რუსი ხალხის შერიგებას“- განაცხადეს საგარეო საქმეთა სამინისტროში. ამის შესახებ წერს TASS-ი.
რუსეთის დიპლომატიურ უწყებაში გაიხსენეს 2019 წელი, როდესაც გერმანიის მთავრობამ ნებაყოფლობით 12 მილიონი ევრო გამოყო პეტერბურგში ომის ვეტერანთა საავადმყოფოს მოდერნიზებისა და რუსულ-გერმანული ისტორიული მეხსიერების მხარდამჭერი ცენტრის შექმნისთვის. აღნიშნული საავადმყოფოს სამედიცინო აპარატურის პირველი პარტიის მიწოდება მოხდა 2020 წლის ზაფხულში. საგარეო საქმეთა სამინისტროში აღნიშნეს, რომ გერმანიის მთავრობა მხოლოდ ებრაელი ეროვნების ხალხს უხდის კომპენსაციებს, რაც არასწორია და გამონაკლისი არ უნდა იყოს დაშვებული, რადგან ბლოკადის მძიმე პერიოდი ლენინგრადში მცხოვრებმა სხვადასხვა ეროვნების მქონე ადამიანებმა ერთობლივად გამოიარეს.
მასალის გამოყენების პირობები