ჩინური და ინდური ტანკები ერთმანეთის პირისპირ ას მეტრში განლაგდნენ ჰიმალაის სადავო საზღვარზე. აღნიშნული ფაქტის ამსახველი ფოტოები ინტერნეტში ჩინურმა მედიამ გავრცელა, რომელზე დაყრდნობითაც წერს Dailymail-ი.
ფოტოზე ნაჩვენებია სამხედროთა ბანაკები და მათ გვერდით მოწინააღმდეგე მხარეთა ჯავშანტექნიკა, რომლებიც ერთმანეთის პირისპირ არიან განლაგებულნი. სწორედ აღნიშნულ ტერიტორიაზე ჰქონდა ადგილი გასულ წელს შეტაკებას ჩინელ და ინდოელ სამხედროებს შორის, რა დროსაც 20 ინდოელი ჯარისკაცი დაიღუპა, ხოლო ჩინელთა მხრიდან დანაკარგების შესახებ უცნობია ამ დრომდე.
გავრცელებული ინფორმაციით, ივლისის შეტაკების შემდეგ მოწინააღმდეგე მხარეებმა ერთმანეთის კონტროლირებად ტერიტორიებზე საზღვრის გასწვრივ ძლიერ გაამაგრეს პოზიციები და ათასობით ჯარისკაცი განათავსეს ჰიმალაის მთებში. ინდური მედიის ინფორმაციით, ჩინეთმა ჰიმალაებში დამატებით 10 000 მებრძოლი შეიყვანა.
მასალის გამოყენების პირობები