ლიეტუვის შინაგან საქმეთა სამინისტრომ რუსული ესტრადის ცნობილი მომღერალი, ფილიპ კირკოროვი არასასურველ პირთა სიაში დაარეგისტრირა. მომღერალს ქვეყანაში შესვლა 19 იანვარს აეკრძალა- აღნიშნული შეზღუდვა 5 წლის ვადის განმავლობაში ძალაში იქნება.
რუსული მედიის, meduza-ს ცნობით, კირკოროვისთვის სახელმწიფოს ტერიტორიაზე შესვლის აკრძალვა განპირობებულია იმის გამო, რომ მან რუსეთის მიერ ყირიმის ანექსიას მხარი დაუჭირა.
რუსეთის საგარეო საქმეთა სამინისტროს პრესსპიკერმა, მარია ზახაროვამ ოფიციალური ვილნიუსის ზემოხსენებული გადაწყვეტილება დაგმო და ხელოვნების მიმართ ძალადობრივი ქმედება უწოდა. მისი აზრით, ლიეტუვას საგარეო უწყების მიერ მიღებული ზომები სულელური და აბსურდულია.
ლიეტუვას საგარეო უწყებამ აღნიშნა, რომ რუსი მომღერლების კონცერტები რუსული პროპაგანდის იარაღს წარმოადგენს.
მასალის გამოყენების პირობები