კომენდანტის საათი და კორონავირუსის გამო დაწესებული შეღუდვები ბოლომდე არ იხსნება, თუმცა აპლიკაცია STOP COVID, რომელიც ჯანდაცვის სამინისტრომ კორონავირუსის შემთხვევების დასადგენად დანერგა, გაუქმდა – ამის შესახებ დღეს აპლიკაციის მომხმარებლებს შეტყობინები გაეზავნათ.
როგორც ჯანდაცვის სამინისტროს ოფიციალურ ვებ–გვერდზე აპლიკაციის შესავ ვკითხულობთ : "აპლიკაცია ავსტრიულმა კომპანიამ შეიმუშავა და ლიცენზიის საფასურის გადახდის გარეშე, სხვადასხვა ქვეყნის მთავრობისთვის ხელმისაწვდომი გახადა. მოხდა აპლიკაციის სრულ შესაბამისობაში მოყვანა ქართულ რეალობასა და კანონმდებლობასთან."
სამინიტროში აცხადებენ, აპლიკაციამ თავისი ფუქნცია უკვე შეასრულა და რადგან პანდემიის მხრივ ვითარება გაუმჯობესდა . სწორედ ამიტომ უქმდება აპლიკაცია.
ზუსტად რა ხარჯები გასწია ჯანდაცვის სამინისტრომ პროგრამის დასანერგად და რა დაუჯდა ქვეყანას აპლიკაცია, რომელიც 16 აპრილიდან მოქმედებდა, უცნობია თუმცა, არსებული ინფორმაციით, STOP COVID–ის ტექნიკური მომსახურების საფასურმა 412 116 ლარი შეადგინა.
მასალის გამოყენების პირობები