ერთის მხრივ ვგმობ ამ ფაქტს, მეორე მხრივ - ვეწინააღმდეგები შერჩევით სამართალს

ერთის მხრივ ვგმობ ამ ფაქტს, მეორე მხრივ - ვეწინააღმდეგები შერჩევით სამართალს - ხოშტარია ბათუმში მომხდარ ინციდენტზე

პოლიტიკა - 16:17, 24 Jan, 2021

512

პოლიტიკოსი და "ევროპული საქართველოს" ყოფილი წევრი ელენე ხოშტარია ბათუმში მომხდარ ინციდენტს ეხმაურება.
როგორც ხოშტარიამ ნიუპოსტს განუცხადა, მიუხედავად იმისა, რომ ფაქტი მისთვის მიუღებელია, ადგილი აქვს შერჩევით სამართალს, რადგან მსგავსი ინციდენტი რდესაც ხელისუფლების მხრიდან ხდებოდა, გამოძიება არასდროს დაწყებულა:
"როდესაც ინსტიტუტები არ ფუნქციონირებს, როდესაც ხელისუფლება იქცევა ასე თავხედურად, მე ნამდვილად ვერ დავუწყებ მორალის კითხვას აქტივისტებს, თუმცა აბსოლუტურად ცალსახაა და მინდა მოვუწოდო მათ შორის ყველა ჩემს მეგობარ აქტივისტს, რომ ასეთ ფორმას არ მიმართონ, ეს არის "ოცნების" ბრძოლის ფორმები, სწორედ ამით განვსხვავდებით ჩვენ, რომ ასე არ ვმოქმედებთ, რაც შეეხება გამოძიების დაწყებას, ეს ნამდვილად ორმაგი სტანდარტია, რადგან არა ერთხელ გვინახავს ხელისუფლების წარმომადგენლების მხრიდან მსგავსი ძალადობა და არასდროს არა თუ გამოძება დაწყებულა, არამედ ფაქტებზე დაზარალებულებიც არ დაუკითხავთ, ამიტომ კატეგორიულად ვგმობ სამართლებრივ დევნას ამ ადამიანის მიმართ, რადგან ეს არის სწორედ შერჩევითი სამართალი" - განუცხადა ხოშტარიამ ნიუპოსტს.

შეგახსენებთ, რომ გუშინ ირაკლი ჩავლეიშვილს, რომელმაც "რესპუბლიკური პარტია" დატოვა, ბოიკოტზე უარი თქვა და აჭარის უმაღლეს საბჭოში შევიდა, არასამთავრობო ორგანიზაცია "ალტერნატივას" წევრებმა ნაგავი მიაყარეს.