"მოგვხედონ, ჩვენც აქ ვართ“ - ფიტნეს ცენტრები მთავრობისგან მხარდაჭერას ითხოვენ

ბიზნესი & ეკონომიკა - 20:09, 25 Jan, 2021

605

ფიტნესცენტრეი საქართველოს მთავრობისგან მხარდაჭერას ითხოვენ. აღნიშნული მოთხოვნა ფიტნესმა დღეს გამართულ პრეს-კონფერენციაზე გააჟღერა. როგორც "სნეპ-ფიტნესის" ქსელის დირექტორი სოფო სოლოთაშვილი აცხადებს, სექტორი სესხის პროცენტის სუბსიდირებას და საგადასახადო შეღავათებს ითხოვს.

„მოგვხედონ, ჩვენც აქ ვართ“ - აცხადებს ფიტნეს ცენტრის დირექტორი.

მისი თქმით, ფიტნეს-ცენტრები სახელმწიფოს მხარდაჭერის გარეშე ვერ გაიხსნებიან.

„პირველი "ლოქდაუნისგან" განსხვავებით, როდესაც ვითხოვდით დროზე ადრე გახსნას, დღეს უკვე ვითხოვთ დახმარების პაკეტს და გვერდში დგომას და არა გახსნის თარიღის გადმოწევას, იმიტომ რომ ვერ გავიხსნებით მათი დახმარების და გვერდში დგომის გარეშე. ჩვენი გახსნის თარიღი რომ გადმოწიონ აზრი არ აქვს იმიტომ რომ თუ დახმარების პაკეტი არ შემოგვთავაზა მთავრობამ, რაშიც საგადასახადო შეღავათებსა და საბანკო სესხების სუბსიდირებას ვგულისხმობთ და ზოგადად, ჩვენი ხარჯების გაზიარებას. ფიტნეს სფეროს სახელით ვამბობ, რომ კომპანიებს ფინანსური რესურსი აღარ გააჩნიათ. ნაწილი უკვე დაიხურა, ნაწილი დახურვის პირასაა და ნაწილის ბოლო იმედი ეს აქციაა, რომ ხმას მივაწვდენთ მთავრობას. ყველაფერი გვესმის, მაგრამ საკმაოდ მნიშვნელოვან სფეროს ვემსახურებით. ადამიანის ჯანმრთელობაზეა საუბარი და ვთხოვთ, მთავრობას რომ ამ განცხადებით, როდესაც ბიზნესის დახურვა დააანონსეს, რაღაცნაირად გვერდში დაგვიდგნენ, რომ შევძლოთ ძალების აღდგენა. ოღონდ მათი დახმარების გარეშე ეს ვერ მოხდება, ყველანაირი რესურსი ამოწურული გვაქვს“, - აცხადებს სოფო სოლოღაშვილი.