ევროპარლამენტის უმწვავესი წერილი საბჭოს პრეზიდენტს: "საქართველოში დაძაბულობამ საშიშ ნიშნულს მიაღწია და კრიზისი აჩენს რისკს, რომ ქვეყანა ევროკავშირთან ასოცირების გზიდან გადაუხვევს"
პოლიტიკა - 23:08, 23 Feb, 2021     3213

ევროპარლამენტარები: პეტრას აუსტერვიჩუსი, ანდრიუს კუბილიუსი, მარკეტა გრეგოროვა, ვიტოლდ იან ვაშჩიკოვსკი, ხავიერ ნარტი და ვიოლა ფონ კარმონი საქართველოში განვითარებულ მოვლენებთან და ნიკა მელიას დაკავებასთან დაკავშირებით ევროპის საბჭოს პრეზიდენტს შარლ მიშელს საქართველოში ვიზიტამდე წერილს სწერენ.

ევროპარლამენტარები შარლ მიშელს მოუწოდებენ გამოიყენოს საქართველოში დაგეგმილი ვიზიტი პოლიტიკურ პარტიებს შორის დიალოგის აღდგენისა და კრიზისის მშვიდობიანი გადაწყვეტის ხელშესაწყობად.

ევროპარლამენტარები თვლიან, რომ საქართველოში არსებული კრიზისი საშიშ ნიშნულს მიუახლოვდა და სახელმწიფოსა და საზოგადოების სტაბილურობას უქმნის საფრთხეს.

მათივე შეფასებით, არსებული კრიზისი საქართველოს მხრიდან ასოცირების ხელშეკრულებით გათვალისწინებული რეფორმების გზიდან გადახვევის მიზეზიც შეიძლება გახდეს - მათივე თქმით, ევროკავშირი არსებულ ვითარებაზე თვალს ვეღარ დახუჭავს, რადგან, რევანშიზმი და ძალის გამოყენება დომინანტურ ტრენდად იქცა.

"ნიუპოსტი" წერილს უცვლელად გთავაზობთ:

"საქართველოში თქვენი აბსოლუტურად დროული ვიზიტის მოახლოებასთან ერთად, ჩვენ, ხელმომწერი ევროპარლამენტარები გწერთ, რათა გამოვხატოთ ჩვენი შეშფოთება პოლიტიკური სიტუაციის სწრაფი გაუარესების გამო ევროკავშირის მნიშვნელოვან ასოცირებულ პარტნიორ ქვეყანაში.

როგორც ევროკავშირთან ასოცირების ხელშეკრულების შესრულების შესახებ ევროპარლამენტის 16 სექტემბრის რეზოლუციაშია აღნიშნული, არსებობდა მოლოდინი, რომ 2020 წლის ოქტომბრის საპარლამენტო არჩევნები დემოკრატიის მიმართ საქართველოს ერთგულებას კიდევ ერთხელ დაადასტურებდა. ამის ნაცვლად, პარლამენტის არჩეული დეპუტატების მესამედი უარს ამბობს პარლამენტში შესვლაზე, არჩევნების გაყალბების გამო. ადგილობრივმა არასამთავრობო ორგანიზაციამ, სამართლიანი არჩევნებისა და დემოკრატიის საერთაშორისო საზოგადოებამ (ISFED) უბნების 8 პროცენტის ოქმებში დისბალანსი დაადგინა, სხვა საარჩევნო დარღვევებთან ერთად. ნაციონალური მოძრაობის ლიდერის, ნიკა მელიას დაკავების შემდეგ, რა დროსაც დახურულ სივრცეში ცრემლსადენი გაზი გამოიყენეს, დაძაბულობამ ქართულ ოცნებასა და ოპოზიციურ პარტიებს შორის უკიდურესად საშიშ ნიშნულს მიაღწია.

ევროკავშირი ვეღარ დახუჭავს თვალს არსებულ სიტუაციაზე, როდესაც ძალის გამოყენება, რევანშიზმი და ომის ზღვარზე დაბალანსების პოლიტიკა დომინანტურ ტრენდად იქცა. პოლიტიკური პოლარიზაცია და დაძაბულობა საზოგადოებასა და სახელმწიფოში საზოგადოებას უქმნის საფრთხეს. უფრო მეტიც, პოლიტიკური კრიზისი ქმნის რისკს, რომ საქართველომ გადაუხვიოს ევროკავშირთან ასოცირების ხელშეკრულებით გათვალისწინებული რეფორმების გზას.

მოგიწოდებთ, გამოიყენოთ საქართველოში დაგეგმილი ვიზიტი პოლიტიკური ძალების წასახალისებლად, რომ განაახლონ მყისიერი მრავალპარტიული დიალოგი, რომელიც თანამშრომლობისა და ინკლუზიური პოლიტიკური გარემოს ხელშემწყობი კონკრეტული მემორანდუმით უნდა დაბოლოვდეს. სისწრაფე და ნება, რომლითაც ქართული პოლიტიკური ელიტა მრავალპარტიულ დიალოგში ჩაერთვება, ასახავს მათ მიზანდასახულობას, განამტკიცონ საქართველოს მიერ გაცხადებული ევროპული მისწრაფებები.

თქვენი იმედი გვაქვს, რომ პარტნიორებს გადასცემთ ჩვენს გზავნილს და დაარწმუნებთ მათ ევროკავშირის ურყევ მხარდაჭერაში, ქართველი ხალხის უსაფრთხო და წარმატებული მომავლის მიმართ. ჩვენი მხრივ, მზად ვართ გავამყაროთ ევროკავშირის დელეგაციისა და სხვა დიპლომატიური წარმომადგენლების მიერ არაერთხელ გამოჩენილი სურვილი შუამავლობისა", - ნათქვამია წერილში.

ცნობისთვის, საქართველოში ევროპის საბჭოს პრეზიდენტის, შარლ მიშელის ვიზიტი 1 მარტს არის დაგეგმილი.





მასალის გამოყენების პირობები

სხვა სიახლეები
უკონტროლო კრიმინალი - თამარაშვილის ქუჩაზე ცეცხლსასროლი იარაღი იპოვეს
"ჩვენი პოზიცია იყო ძალიან მკაფიო, რომ ნიკა მელია უნდა იყოს ამ მაგიდის ირგვლივ" - აკო მინაშვილი
თუ მოლაპარაკებებს გავაგრძელებთ, შეიძლება, რაღაც გამოვიდეს - ჯაფარიძე
დიალოგის პროცესში ჩვენი ხალხის და ქვეყნის ინტერესებით ვხელმძღვანელობთ - სალომე სამადაშვილი
ვადამდელი არჩევნები და პოლიტპატიმრები - შარლ მიშელის 6 პუნქტი , რომელიც უნდა მოგვარდეს
"იმედი მაქვს, ოპოზიცია კონსტრუქციულ რეჟიმში მუშაობას გააგრძელებს" - ღარიბაშვილის პირველი კომენტარი შეხვედრის დასრულების შემდეგ
დიალოგმა სხვა დონეზე აიწია, შეგვიძლია ფრთხილი ოპტიმიზმი გვქონდეს - გიორგი ვაშაძე
მოლაპარაკება დასრულებულია - შარლ მიშელი 2 კვირიან ვადას ასახელებს
პროცესი დაიძრა, საუბარი ყველა საკითხზე იყო - ხაზარაძე "ოცნებასთან" შეხვედრის შემდეგ
"იმედიანი გაზაფხული დგება" - ნათელაშვილის პირველი კომენტარი "ოცნებასთან" შეხვედრის შემდეგ
პრეზიდენტის ადმინისტრაციაში "ოცნებისა" და ოპოზიციის შეხვედრა დასრულდა
იმედია შეხვედრა შედეგს მოიტანს, მთავარია, დიალოგი არ იყოს 1 დღის შოუ - ავსტრევიჩუსი შარლ მიშელის ვიზიტზე
Valentino-ს შავ–თეთრი შემოდგომა – ულამაზესი კოლექცია (ფოტოები)
პოლიტიკური მოლაპარაკებების პარალელურად "ოცნება" მობილიზაციას იწყებს - გდდ-ს ბაზაზე სპეცრაზმელები დაიბარეს
საინტერესო ამბები
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
ახალციხე შესაძლოა ახალი ინფექციის აფეთქების კერად იქცეს – დღეს ყირიმ–კონგოს ცხელებით 23 წლის ბიჭი დაიღუპა
დღეს, 02:42
პირველი ქართული პროდუქტი ინტერნეტ სამყაროში - #სთექი საქართველოშიც ხელმისაწვდომი ხდება
დღეს, 02:42