დიდი ლიახვის ხეობაში, რუსი ოკუპანტების მიერ მოწყობილი პოლიგონზე მასშტაბურ წვრთნას გადიან, ისმის სროლის ხმაც, საარტილერიო დანადგარების გამოყენების გამო კი ადგილობრივთა სახლები ზანზარებს.
სახელმწიფო უსაფრთხოების სამსახურის მიერ გავრცელებულ განცხადებაში კი ნათქვამია, რომ საოკუპაციო ძალების მიერ, გარკვეული პერიოდულობით, ადგილზე ხორციელდება უკანონო სამხედრო წვრთნები, აღნიშნულ უკანონო ქმედებაზე კი პასუხისმგებლობა რუსეთს ეკისრება:
"რუსეთის საოკუპაციო ძალების მიერ ჩატარებული უკანონო სამხედრო წვრთნები წარმოადგენს ინციდენტების პრევენციისა და მათზე რეაგირების მექანიზმის (IPRM) და ჟენევის საერთაშორისო დისკუსიების განხილვის ძირითად საკითხს. უკანონო სამხედრო წრთვნები მნიშვნელოვნად აზიანებს ადგილზე არსებულ უსაფრთხოების გარემოს და მიზნად ისახავს ადგილობრივ მოსახლეობაში შიშისა და დაუცველობის განცდის დანერგვას. ოკუპირებულ რეგიონებში განხორციელებულ ყველა უკანონო ქმედებაზე პასუხისმგებლობა ეკისრება რუსეთის ფედერაციას", - ნათქვამია განცხადებაში.
მასალის გამოყენების პირობები