საქართვლოში ბოლო ერთი თვის განმავლობაში კორონავირუსის ე.წ ბრიტანული შტამის 3 ახალი ე.წ კლასტერი გამოვლინდა - ამ ეტაპზე, კონტაქტში მყოფი 31 პირია იდენტიფიცირებული.
ე.წ ბრიტანული შტამი საქართვლოში ევროპიდან შემოვიდა - ამ ეტაპზე საქართველოში ახალი შტამის გავრცელების რისკები მინიმალურია, თუმცა იმუნოლოგ-ალერგოლოგი ბიძინა კულუმბეგოვი ვარაუდობს, რომ ქვეყანაში, 2-3 თვეში, ახალ კორონავირუსს მთლიანად ჩაანაცვლებს ე.წ ბრიტანული შტამი.
ცნობისთვის, კორონავირუსის ახალი ფორმა პირველად დიდი ბრიტანეთში, სექტემბერში დაფიქსირდა და გამოვლენიდან 5 თვეში 60 ქვეყანაში გავრცელდა. ამ მონაცემებით, შექმნილი ვაქცინა ე.წ ბრიტანულ შტამზე გარკვეულწილად მოქმედებს, თუმცა მეცნიერები აქტიურად მუშაობენ, რომ მეორე თაობის პრეპარატმა ვირუსის ყველა სახეცვლილი ფორმა დაფაროს.
აქვე გეტყვით, რომ კორონავირუსის ახალი ფორმა საქართველოში პირველად დეკემბერში დაფიქსირდა.
მასალის გამოყენების პირობები