მომღერალ ლედი გაგას ძაღლების გამსეირნებელს უცნობმა ადამიანმა ესროლა და მას ორი ფრანგული ბულდოგი მოჰპარა - ინფორმაციას გამოცემა People ავრცელებს.

ძაღლების გამსეირნებელი საავადმყოფოში გადაიყვანეს - ამ ეტაპზე მისი მდგომარეობის შესახებ არაფერია ცნობილი.

მომღერალი იმ ადამიანს, ვინც ძაღლების ადგილსამყოფელის შესახებ ინფორმაციას მიაწვდის, ნახევარ მილიონ დოლარს სთავაზობს.

შემთხვევა 24 თებერვალს, ღამის 12 საათისთვის მოხდა, როდესაც ჰოლივუდის მიმდებარე ტერიტორიაზე კაცი ძაღლებს ასეირნებდა.