საქართველოს მესამე პრეზიდენტი, მიხეილ სააკაშვილი ეხმაურება საქართველოში მიმდინარე პოლიტიკურ კრიზს და აცხადებს, რომ ხელისუფლებას ყველა პოლიტპატიმრის გათავისუფლება და რიგგარეშე არჩევნების დანიშვნა მოუწევს, ვინაიდან მმართველ გუნდს სხვა ალტერნატივა არ აქვს.
საააკაშვილმა განაცხადა, რომ თავის სამომავლო გეგმებს ის მომდევნო კვირაში გამოაცხადებს.
"ნიკა მელიას გამოშვება აუცილებლად მოუხდებათ, ისევე როგორც რურუასი, ისევე, როგორც სხვა პოლიტპატიმრების. მაგალითად, მიხეილ ბატურინის, რომელიც მხოლოდ იმიტომ დააპატიმრეს, რომ ეჭვი აქვთ, შეიძლება სააკაშვილთან რამე კავშირი აქვს და უკრაინელი მეზღვაურების, რომელიც იქ არის. მოუხდებათ აუცილებლად რიგგარეშე არჩევნებზე წასვლა, ამას სხვა ალტერნატივა არ აქვს.
ჩემს გადაწყვეტილებებს მე მომავალ კვირას გამოვაცხადებ. გამოვაცხადებ ჩვენი გამარჯვების ჩემეულ გეგმას და ხედვას",-თქვა მიხეილ სააკაშვილმა.
შეგახსენებთ, რომ 23 თებერვალს "ნაციონალური მოძრაობის" ოფისში სპეცრაზმი შეიჭრა, მათ დაამტვრიეს კარები და ძალის გამოყენებით დააკავეს პარტიის ლიდერი ნიკა მელია.
მასალის გამოყენების პირობები