"საბჭოთა წესი" საზოგადოებრივ მაუწყებელზე - "პირველმა არხმა" თანამშრომლებს სოციალური ქსელების "გამოყენების წესები" 15 წესი დაუდგინა, რომელიც სამეურვეო საბჭოს წევრებზე არ ვრცელდება.

ინფორმაციას სამოქალაქო აქტივისტი თამარ კაკაბაძე "ფეისბუქით" ავრცელებს.

წესების საკმაოდ მკაფიოდაა ჩამოწერილი, რომლის მიხედვით, "პირველი არხის" თანამშრომლებმა თავი უნდა შეიკავონ:

• საკუთარი პოლიტიკური მოსაზრებების გამოხატვისგან
• არ უნდა მოიწონონ და გააზიარონ პოსტი
• რომელიც გადაუმოწმებელია,
• უნდა იყვნენ კოლეგიალურები
• კორექტულები და მოუფრთიხლდნენ მაუწყებლის რეპუტაციას

გარდა ამისა, თანამშრომლებმა უნდა დაიცვან პირველი არხის მიერ დადგენილი სტანდარტები:

• მათ მიერ გაზიარებული ყველა მასალა უნდა შეესაბამებოდეს პირველი არხის ღირებულებებსა და პრინციპებს
• მაუწყებლის კრიტიკის
• შეურაცხმყოფელი და უხამსი გამონათქვამების შემთხვევაში დაუყოვნებლივ უნდა აცნობონ სოც. მედიის მენეჯერს.

პირველი არხის თანამშრომელს სოც. ქსელებში ეკრძალება "არანორმატიული ლექსიკისა და სიძულვილის ენის" გამოყენება.

ასევე, თანამშრომლებს ევალებათ იდენტიფიცირებულები იყვნენ, როგორც პირველი არხის თანამშრომლები, თუმცა პროფილზე არ უნდა განათავსონ არხის ლოგოს.