"მოქალაქეების" ერთ-ერთი ლიდერის ალეკო ელისაშვილის განცხადებით, "ასეთი მასშტაბის საარჩევნო რეფორმა არ დაწყებულა და არ განხორციელებულა საქართველოში". მისი შეფასებით, აღნიშნული რეფორმა საშვილიშვილო ამბავია:
"ასეთი მასშტაბის საარჩევნო რეფორმა არ დაწყებულა და არ განხორციელებულა საქართველოში. ეს არის ისტორიული დოკუმენტი, მემორანდუმი, უკვე იქცა კანონპროექტად და დღეს დაინიცირდება. გუშინ ჯვარს მაცვეს, რომ არიქა, როგორ არ მოხდა პირველ მარტამდე ინიცირება. აგერ ორი მარტია და 2 მარტს მოხდა ინიცირება. დღეს დაინიცირდა და სხვა რომ არაფერი გამომივიდეს პოლიტიკაში მხოლოდ ეს დოკუმენტი თუ იქცევა კანონად და იქცევა კანონად, ორთვიანი განხილვები გველის, ეს იქნება საშვილიშვილო ამბავი. ამით არჩევნები და არჩევნების დღე დაიბრუნებს მთავარს, ნდობას. ეს არის რის გამოც თავააწეულები შემოვედით და კიდევ უფრო თავაწეულები ვართ დღეს. ყველას მოვუწოდებ აქიუტურად ჩაერთონ განხილვაში. წინ გველის ორი თვე და 1-ელი მაისისთვის ჩვენ შეიძლება გვქონდეს ჩაწიკწიკებული საარჩევნო სისტემა. კანონპროექტის ერთ პუნქტს სჭირდება ოპოზიციის პარლამენტში შემოსვლა. და კარგი იქნება, თუნდაც ერთი დღით თუ შემოვლენ და ხმას მისცემენ ბარიერის დაწევას", - განაცხადა ალეკო ელისაშვილმა.
მასალის გამოყენების პირობები