"65 წლის კაცს ცოლი გამექცა ...საბოლოოდ გამაუბედურა და სიბერის წლები მომიშხამა"
სოც.მედია - 15:00, 02 Mar, 2021     1740

65 წლის მამაკაცი მის ტრაგიკულ ისტორიას საჯაროდ ყვება, თუმცა ვინაობას არ ამხელს.

მისი თქმით, სულ ცდილობდ ოჯახის შეკოწიწებას თუმცა, 65 წლის ასაკში ცოლმა მაინც დატოვა.

"ნიუპოსტი" მის წერილს უცვლელად გთავაზობთ:

"29 წლის ვიყავი, ცოლი რომ შევირთე. მართალია, გარიგებით ვიქორწინე, მაგრამ მეუღლე მიყვარდა. დავინახე თუ არა, მომეწონა, მეგონა, რომ ჩემ მიმართ იგივე გრძნობები ექნებოდა, მაგრამ ასე არ მოხდა.

შვილების გაზრდაში მე გაცილებით დიდი წვლილი მიმიძღვის, ვიდრე მას. ჩვენს გოგონებს ძალიან ვუყვარვარ. ბავშვებმა იმიტომ გამომარჩიეს, რომ მათზე ვზრუნავდი,

ჩემი ცოლი მუსიკის მასწავლებელი იყო და მხოლოდ იმაზე ფიქრობდა, სამსახურში გამოპრანჭულს ევლო. არაფერს ვაკლებდი, ვშრომობდი, რომ ოჯახს ყველაფერი ჰქონოდა. ის კი არანაირ პასუხისმგებლობას არ გრძნობდა. დამიჯერებთ, რომ ჩვენმა გოგონებმა პიანინოზე დაკვრა არ იციან? არ ასწავლა. სხვა ბავშვებს ამეცადინებდა და არ უფიქრია, რომ მუსიკალური განათლება შვილებსაც ჰქონოდათ.

ასეთ ქალთან კამათი და ჩხუბი ვის არ მოუვა და ჩვენც ვკამათობდით, ვჩხუბობდით. ჩემი ერთადერთი სურვილი იყო, ქმარ-შვილის მიმართ მეტი სიყვარული გამოეხატა, ის კი სულ თავს მაყვედრიდა, რომ ასაკით ჩემზე უმცროსი იყო და გარეგნობითაც – ბევრად უკეთესი. ხშირად გარბოდა სახლიდან, მაგრამ ისევ უკან ვაბრუნებდი.

ოჯახს ვაკოწიწებდი, რომ შვილებს დედა ჰყოლოდათ. ათას რამეზე ვხუჭავდი თვალს, რომ ჩვენთან ყოფილიყო. 65 წლის კაცს კი ოჯახი მაინც დამენგრა. ჩემი ცოლი სახლიდან გაიქცა. შვილებიც ეხვეწნენ, თავს ნუ მოგვჭრიო, მაგრამ არაფერი შეისმინა. გაიძახის, რომ მათ მამა უყვართ და დედა – არა.

ჩემგან წასული ხან ნათესავებს აფარებდა თავს, ხან დაქალებთან ათევდა ღამეებს და ხან – დაქალების შვილებთან. სიძეებმა თქვეს, ხალხი ჩვენზე რას იტყვის, ეს ქალი ასე ბარგშეკრული აქეთ-იქით რომ დადისო, ამიტომ ფული შეკრიბეს, დანაზოგი მეც მივეცი და სახლი ვუყიდეთ.

მაინც უმადურია, პირიქით, წილს აქეთ მთხოვს. ვეუბნები, სახლში დაბრუნდი და მე წავალ-მეთქი, მაგრამ არ უნდა. მეუბნება, მაგ ადგილს ვერ ვიტან, გაყიდე და იმ ფულით სადაც მინდა, იქ ვიყიდიო.

ჩემი ასაკის კაცები ოჯახში ყოფნით ტკბებიან, მე კი შვილების დედამ საბოლოოდ გამაუბედურა და სიბერის წლები მომიშხამა" ,- ვკითხულობთ წერილში.

წყარო: ჟურნალი "სარკე".





მასალის გამოყენების პირობები

სხვა სიახლეები
კახა კალაძე უცხოეთში იმყოფება
ინდოეთში დააკავეს ორი მამაკაცი, რომლებიც მაიმუნებს ქურდობისთვის იყენებდნენ
ინდოეთში COVID-19-ის პანდემიის მეოთხე ტალღა დაიწყო
შეხვედრები ევროკავშირის ოფისში - სავარაუდოდ , თვის ბოლოს საქართველოში 6 ქვეყნის საგარეო საქმეთა მინისტრი ჩამოვა
კრისტიან დანიელსონის შემოთავაზებული დოკუმენტი განვიხილეთ - კარლ ჰარცელი შეხვედრის დასრულების შემდეგ
ცალსახად მხარეა და არ გამოვა მისგან გამაერთიანებელი...წარმოუდგენელი მგონია, მედიატორის როლი შეასრულოს - ჯაფარიძე პრეზიდენტზე
არ არის საჭირო სასაფლაოებზე ალკოჰოლით სიარული და იქ სმა-ჭამა - ამირან გამყრელიძე აღდგომაზე
"ვაქცინაცია წარუმატებელი არ არის, უბრალოდ წარმატებული არ არის" - გამყრელიძე
უხვი ნალექის გამო დაბა ბაკურიანში რამდენიმე საცხოვრებელი სახლი და სასტუმრო დაიტბორა
სააღდგომოდ მიდიან სოფლებში კარგია, რომ არდადეგები იქნება და დარჩებიან სოფლებში - გამყრელიძე
სოფო შევარდნაძე შვილთან ერთად პირველად გამოჩნდა (ფოტო)
ასეულობით ყალბი პროფილის მეშვეობით საპატრიარქოს "ფეისბუქ“ გვერდზე მორიგი ინფორმაციული შეტევა განხორციელდა - საპატრიარქო
"არის საკმაოდ სერიოზული ძიება, რომ საკითხები, რაც ოპოზიციას ჰქონდა დაყენებული, იქნას მიღწეული" - ხაზარაძე ელჩებთან შეხვედრის შემდეგ
ბუდობს თუ არა სამედიცინო პირბადეებში მიკროორგანიზმები - გიორგი ფხაკაძის განმარტება
საინტერესო ამბები
კიდევ ერთი თავდასხმა პოლიტიკურ ოპონენტებზე - "ქართული ოცნების“ აქტივისტები გაერთიანებული ოპოზიციის წარმომადგენლებს ფიზიკურად გაუსწორდნენ
დღეს, 02:42
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
ახალციხე შესაძლოა ახალი ინფექციის აფეთქების კერად იქცეს – დღეს ყირიმ–კონგოს ცხელებით 23 წლის ბიჭი დაიღუპა
დღეს, 02:42