საია-მ პროკურატურას ნიკა მელიას გირაოს გადარიცხვის ქვითარი გაუგზავნა.
საქართველოს ახალგაზრდა იურისტთა ასოციაციამთავმჯდომარემ, ნიკა სიმონიშვილმა აღნიშნა, რომ ელექტრონული ფოსტით ქვითარი, დაახლოებით, 17:40 წუთზე გაგზავნეს.
საქართველოს პროკურატურაში ამბობენ, რომ სასამართლოს ერთიანი ნაციონალური მოძრაობის თავმჯდომარის, ნიკა მელიასთვის აღკვეთის ღონისძიების შეცვლის შუამდგომლობით მას შემდეგ მიმართავენ, რაც ანგარიშზე თანხა აისახება, ან წარმოდგენილი იქნება შესაბამისი დოკუმენტი ანგარიშზე თანხის ჩარიცხვასთან დაკავშირებით.
შეგახსენებთ, საქართველოში ევროკავშირის წარმომადგენლობამ განცხადება გაავრცელა, საიდანაც ცნობილი გახდა, რომ ევროკავშირმა ნიკა მელიას გირაოს თანხა გადაიხადა. გირაოსთვის თანხა ევროპულმა ფონდმა დემოკრატიისთვის გამოყო, ხოლო ხელისუფლებას 40 000 ლარი ახალგაზრდა იურისტთა ასოციაციამ გადასცა.
მასალის გამოყენების პირობები