"ტვ პირველი" ყაზახი გოგოს გარდაცვალების საქმეზე დაკავებული ბესიკ თოდუას ჩვენებას აქვეყნებს, სადაც თოდუა 26 წლის ქალის გარდაცვალების ვერსიაზე საუბრობს.

57 წლის კაცი ირწმუნება, რომ ასელ აიტპაევასთან სექსუალური კავშირი, ახალგაზრდა ქალის თანხმობით და სურვილით დაამყარა.

კაცი ჩვენებაში წერს, რომ სქესობრივი კავშირის დამყარების შემდეგ, სააბაზანოში შევიდა, იქიდან გამოსულს კი ასელი საძინებელ ოთახში არ დახვდა.

"გავედი აივანზე და ჩავიხედე ქვევით, ხრეშზე ესვენა ასელის გვამი. ის აივნიდან გადახტა თუ გადავარდა ვერ მოგახსენებთ"- აცხადებს თოდუა.

მისი თქმით, მას შემდეგ, რაც 26 წლის გოგოს გვამი ნახა, სასწრაფოდ ჩაალაგა ტანსაცმელი და ზუგდიდში წასვლას გეგმავდა.

კითხვაზე, რატომ არ დაურეკა არავის, ბესიკ თოდუა აღნიშნავს, რომ "შოკში იყო", "ეშინოდა რომ თვითმკვლელობა მასთან არ დაეკავშირებინათ, რადგან სქესობრივი კავშირი ჰქონდა დამყარებული".

"მე ასელს მამა-შვილურად ვექცეოდი, ფიზიკურ და სიტყვიერ შეურაცხყოფას ადგილი არ ჰქონია"- ამბობს თოდუა.

დაკავებული დაკითხვისას სკანდალურ ჩვენენებას აძლევს და ამბობს, რომ ასელი დის ქმარმა გააუპატიურა, და სწორედ ამიტომ მოიკლა ქალმა თავი.

"ჩემი აზრით ასელმა თავი მოიკლა იმის გამო, რომ გააუპატიურა მისი დის ქმარმა მურატმა, რაზეც ის სულ ტიროდა და ნერვიულობდა. ასევე მისი გადმოცემით, ამერიკაში შეყვარებული ჰყავდა"- აცხადებს თოდუა.

ოფიციალური ინფორმაციით, 26 წლის ქალი, ყაზახეთის მოქალაქე ასელ აიპაევა მიმდინარე წლის 5 მაისს მე-8 სართულიდან გადახტა და თავი მოიკლა.

პროკურატურაში აცხადებენ, რომ ახალგაზრდა ქალი მუქარის და სექსუალური ძალადობის მსხვერპლი.

თბილისში გარდაცვლილი, 26 წლის ყაზახი გოგონას საქმეზე დაკავებულ ბესიკ თოდუას პატიმრობა გასულ კვირას შეეფარდა.

წყარო: ტვ პირველი