მსახიობმა ია ფარულავამ თავის პირად ცხოვრებასა და ყოფილ ქმრებზე ისაუბრა. როგორც იამ თქვა ის სხვადასხვა ქორწინებებიდან ფიზიკური და ფსიქოლოგიური ძალადობის მსხვერპლიც იყო.
„ოთხნახევარი ქმარი მყავდა. მერვე წელია, რაც მე და ტარიელი ვართ ერთად და მე მისთვის არ მიღალატია! დანარჩენებს დედა ვუტირე!“ – განაცხადა ფარულავამ ნოე სულაბერიძის გადაცემაში.
იამ გადაცემაში ფადი ასლისთან ურთიერთობაზეც ისაუბრა:
„ყველა ამბობს, რომ მე და ფადი საუკეთესო წყვილი ვიყავით და დღემდე მისტირიან ამ წყვილს. მაქვს თვისება, რომ რაღაცეებს ვბლოკავ და აღარ განვიცდი. ყველაზე მეტად იმაზე მწყდება გული, რომ მე არასდროს წამიყვანა ლიბანში და აი, ის გოგო წაიყვანა – ჩემს მერე ვისთანაც ჰქონდა რომანი. დღესდღეობით, ვმეგობრობთ. თვეში, ორ-თვეში ერთხელ ლანჩი გვაქვს. ის თავის, მე ჩემს ამბებს ვუყვები. ჩემს შემდეგ მეორე, ძალიან მძიმე რომანი ჰქონდა, რომელზეც ვსაუბრობდით. ჩვენ კარგი მეგობრები ვართ“-ამბობს ია.
მასალის გამოყენების პირობები