ფრანგი თავდამსხმელი კილიან მბაპე (პარი სენჟერმენი) კვლავ რჩება მსოფლიოში ყველაზე ძვირადღირებულ ფეხბურთელად. მისი სატრანსფერო ფასი 259 მილიონ ევროს შეადგენს- ნათქვამია საფეხბურთო კვლევების საერთაშორისო ცენტრის CIES Football Observatory მიერ გამოქვეყნებულ კვლევაში.

« კორონავურუსის პანდემიით გამოწვეული ეკონომიკური კრიზისის გამო, 21 წლის ფრანგი ფეხბურთელის კილიან მბაპეს სატრანსფერო ღირებულება 6 მილიონი ევროთი შემცირდა, თუმცა ის მაინც ლიდერია და ყველაზე ძვირადღირებულ ფეხბურთელად რჩება »- ნათქვამია CIES Football Observatory-ს კვლევაში.

კილიან მბაპე ამჟმად ფრანგულ «პარი სენჟერმენში » თამაშობს და კონტრაქტი 2023 წელს უსრულდება. მიმდინარე სეჟონში მბაპემ « პარი სენჟრმენის »შემადგენლობაში 33 მატჩი ჩაატარა, გაიტანა 30 გოლი და გააკეთა 17 შედეგიანი გადაცემა -წერს CIES Football Observatory.

ძვირადღირებული ფეხბურთელების ტოპ- სია კი ასე გამოიყურება:

რაჰიმ სტერლინგი (მანჩესტერ სიტი) – 194 მილიონი ევრო,

ჯეიდონ სანჩო(ბორუსია) -179 მილიონი ევრო,

ტრენტ ალექსანდრ-არნოლდი (ლივერპული) – 171 მილიონი ევრო

მარკუს რეშფორდი (მანჩესტერ იუნაიტედი) -152 მილიონი ევრო,

მოჰამედ სალახი(ლივერპული)- 144 მილიონი ევრო,

სედიო მანე (ლივერპული)- 139 მილიონი ევრო,

ანტუან გრიზმანი(ბარსელონა) 136 მილიონი ევრო,

ალფონსო დევისი (ბავარია)- 133 მილიონი ევრო

გარი კეინი (ტოტენჰემი)-118 მილიონი ევრო.

აღსანიშნავია რომ, ლეონელ მესი -100 მილიონ ევროდაა შეფასებული და 21 ადგილს იკავებს ხოლო კრიშტიანუ რონლდუ, მსოლოდ სამოცდამეათე ადგილს დასჯერდა და მისი სატრანსფერო ღირებულებაა 62 მილიონი ევრო.
ამასთანავე 35 წლის კრიშტიანუ რონალდუ ყველაზე « ხანშიშესული » ფეხბურთელია CIES Football Observatory-ს მიერ შედგენილ ძვირადღირებულ მოთამაშეთა ტოპ ასეულში.