მრავალი ნიშანია ამის, ეს არის უკვე ანტიქრისტეს მოსვლის წინა პერიოდი

მრავალი ნიშანია ამის, ეს არის უკვე ანტიქრისტეს მოსვლის წინა პერიოდი - მეუფე დანიელი

რელიგია - 14:52, 26 Jul, 2020

5073

სამების საკათედრო ტაძარში საკვირაო წირვა აღევლინა. წირვის შემდეგ ჭიათურისა და საჩხერის მიტროპოლიტმა, მეუფე დანიელმა სამების საკათედრო ტაძარში იქადაგა.
მეუფემ ყურადღება გაამახვილა მსოფლიოში არსებულ ვითარებაზე და აღნიშნა, რომ არსებული მდგომარეობა იძლევა იმის ვარაუდის საშუალებას, რომ ჩვენ ვიმყოფებით ანტიქრისტეს მოსვლის წინა პერიოდში.

„როგორც ელია თეზბიტელი იქნება ბოლო ჟამს მქადაგებელი ჭეშმარიტი სარწმუნოებისა და დამცველი ჭეშმარიტი სარწმუნოებისა, ასევე ის ქვეყანა, რომელსაც მიენიჭა მისი სიწმინდე მოწოდებულია, რომ იყოს ჭეშმარიტი დამცველი მართლმადიდებლობისა და სწორედ ამისთვის ამზადებს უფალი ამ ქვეყანას. ამიტომ დაუდგინა მფარველად ღვითისმშობელი და არ არის შემთხვევითი, რომ თანდათან ჩვენ ვხედავთ სწორედ ამ ჟამის მოახლოებას, მრავალი ნიშანია და მთავარი ნიშანი, როგორც უფალი სახარებაში ბრძანებს, არის გამრავლება ცრუ მოძღვრებათა და ცრუ წინასწარმეტყველებათა იმ სახით, ისეთი მასშტაბით, როცა თვით რჩეულნიც, რჩეული ქრისტიანული ერები და ქვეყნებიც კი ცდუნდებიან. აი, ეს არის უკვე სწორედ ანტიქრისტეს მოსვლის წინა პერიოდი და ჩვენ ბოლო საუკუნეებში ვხედავთ, რომ რჩეული ქრისტიანული ერები თანდათან კარგავენ სარწმუნოებას და მათში სულ უფრო და უფრო მატულობს ღვთის სარწმუნოების მოწინააღმდეგე მდევნელი ძალები“, - აღნიშნა მეუფე დანიელმა.