როგორც ოპოზიციის წარმომადგენლები აცხადებენ, გამოიკვეთა გარკვეული საფრთხეები, რომლებიც გაყალბებაზე მიუთითებს. სწორედ ამიტომ, ოპოზიციური პარტიების წევრები ამ საკითხებზე იმსჯელებენ და პრობლემის გადაწყვეტის გზას გამონახავენ:

„ხელისუფლების მხრიდან ხდება უკვე გარკვეული დარღვევები, მაგალითად წუხანდელი ინციდენტი, რომელიც ისანში მოხდა, ვგულისხმობ ლევან ხაბეიშვილის საარჩევნო შტაბზე თავდასხმას. არის ასევე გარკვეული ნორმატიული ფაქტები, რომელიც დამტკიცებულია ცენტრალური საარჩევნო კომისიის მიერ და აფერხებს მუშაობას არჩევნების დღეს. სწორედ ეს ფაქტები იქნება განხილული სხდომაზე, თუ როგორ უნდა დავიცვათ ამომრჩევლის თითოეული ხმა“ - განაცხადა „ევროპელი დემოკრატების“ ლიდერმა პაატა დავითაიამ.